বেঁকী নৈৰ বুকুত যুৱকৰ সলিল সমাধি:শোক প্ৰকাশ পাঠশালাবাসীৰ

বেঁকী নৈত পৰি কৰুণ মৃত্যুক সাৱটি লয় পাঠশালাৰ জানপাৰ নিবাসী যুৱক চন্দন চৌধুৰীয়ে ৷ বেঁকী নদীত নৌকাবিহাৰ কৰাৰ সময়তে নাৱৰ পৰা বেঁকী নৈত পৰি মৃত্যুক সাৱটি লয় যুৱকগৰাকীয়ে ৷

পাঠশালা, 6 ডিচেম্বৰ: দেওবাৰে মানাহ ৰাষ্ট্ৰীয় উদ্যানত সংঘটিত হয় এক কৰুণ দুৰ্ঘটনা ৷ দুৰ্ঘটনাৰ ফলত অকাল মৃত্যুক সাৱটিবলগীয়া হয় এগৰাকী যুৱকে ৷ প্ৰাপ্ত তথ্য অনুসৰি, পাঠশালাৰ জানপাৰ নিবাসী যুৱক চন্দন চৌধুৰীয়ে নিজ পৰিয়ালসহ মানাহ ৰাষ্ট্ৰীয় উদ্যানত বনভোজ খাবলৈ গৈছিল | তেনে সময়তে বনভোজ ক্ষেত্ৰত থকা বেঁকী নদীত নৌকাবিহাৰ কৰাৰ সময়তে নাৱৰ পৰা বেঁকী নৈত পৰি মৃত্যুক সাৱটি লয় ৷

অভিযোগ অনুসৰি, সেই স্থানত প্ৰশাসনৰ অনুমতি অবিহনেই বেঁকী নৈত চলি আছে নৌকা বিহাৰ ৷ য'ত নাই নিৰাপত্তাৰ কোনো ব্যৱস্থা ৷ যাৰ বাবে এনে ঘটনা সংঘটিত হোৱা বুলি জানিব পৰা গৈছে ৷ এই ঘটনাক লৈ গভীৰ শোক প্ৰকাশ কৰিছে পাঠশালাবাসীয়ে ৷

লগতে পঢ়ক: কামপুৰত তীব্ৰবেগী ডাম্পাৰৰ খুন্দাত থিতাতে নিহত চাইকেল আৰোহী