বৰপেটা, 20 জুন: বৰপেটা জিলাৰ সৰ্থেবাৰী আৰক্ষী থানাৰ অন্তৰ্গত ৰাউলীত শুকুৰবাৰে নিশা সংঘটিত হয় এক শোকাবহ পথ দুৰ্ঘটনা । পথ দুৰ্ঘটনাটোত থিতাতে নিহত এজন পথচাৰী । নিহত লোকজন ভকুৱাটেপাৰ খনীন নাথ (৪৫) বুলি জানিব পৰা গৈছে ।
ঘটনাৰ বিৱৰণী অনুসৰি, বিশেষ ভাবে সক্ষম খনীন নাথে ঘৰ অভিমুখে খোজ কাঢ়ি আহি থকা অৱস্থাতে এখন তীব্ৰ বেগী চাৰিচকীয়া বাহনে মহতীয়াই থৈ যায় খনীন নাথক ৷ নিশা প্ৰায় 10 বজাত সৰ্থেবাৰী- নগাঁও পথৰ ৰাউলীত সংঘটিত হয় এই দুৰ্ঘটনা । উল্লেখ্য যে, দুৰ্ঘটনা সংঘটিত কৰিয়েই তীব্ৰ বেগেৰে ঘটনাস্থলীৰ পৰা পলায়ন কৰে বাহনখনে । নিশাই ঘটনাস্থলীত উপস্থিত হৈ মৃতদেহ মৰণোত্তৰ পৰীক্ষাৰ বাবে বৰপেটা মেডিকেল কলেজলৈ প্ৰেৰণ কৰে সৰ্থেবাৰী আৰক্ষীয়ে ৷
লগতে পঢ়কঃ চিৰাঙত বিপিএফ দলৰ গুদামঘৰত আৰক্ষীৰ অভিযান
