জনীয়া, 24 অক্টোবৰ: বৃহস্পতিবাৰে ব্যাপক প্ৰতিবাদত নামিল বৰপেটা জিলাৰ নৱজ্যোতি মহাবিদ্যালয়ৰ ছাত্ৰ-ছাত্ৰী ৷ বহু বিতৰ্কিত নাগৰিকত্ব সংশোধনী বিধেয়কৰ বিৰুদ্ধে প্ৰতিবাদ সাব্যস্ত কৰে ছাত্ৰ-ছাত্ৰীসকলে ৷ ছাত্ৰ মুক্তি সংগ্ৰাম সমিতিৰ আহ্বানত নৱজ্যোতি মহাবিদ্যালয়ৰ ছাত্ৰ-ছাত্ৰী সকলে শ্ৰেণী বৰ্জন কৰি হাতে-হাতে প্লে কাৰ্ড লৈ মহাবিদ্যালয়ৰ সম্মুখত এক প্ৰতিবাদী কাৰ্যসূচী ৰূপায়ণ কৰে।
কেন্দ্ৰীয় আৰু ৰাজ্য চৰকাৰৰ বিৰুদ্ধে বিভিন্ন শ্ল’গানেৰে এক দীঘলীয়া শাৰি পাতি প্ৰতিবাদী কাৰ্যসূচী পালন কৰে ছাত্ৰ-ছাত্ৰী সকলে ৷ লগতে চৰকাৰে জাতি ধ্বংসী নাগৰিকত্ব সংশোধনী বিধেয়ক গৃহীত কৰিলে ভয়ংকৰ আন্দোলন গঢ়ি তোলাৰ হুংকাৰ প্ৰদান কৰে ।
উল্লেখ্য যে, 1971 চনৰ পূৰ্বে অহা সকলো জাতি ধৰ্মৰ মানুহক মানি লোৱাৰ বিপৰীতে 1971 চনৰ পাছত অসমত প্ৰৱেশ কৰা হিন্দু-মুছলমান কোনো লোককে মানি লোৱা নহ'ব বুলি স্পষ্টকৈ প্ৰকাশ কৰে ছাত্ৰ-ছাত্ৰীয়ে ৷
