জনীয়া, 17 ছেপ্টেম্বৰ: আমি সততে শুনি অহা জাতি, ধৰ্ম, সম্প্ৰদায়ৰ বিভেদৰ বাতৰিয়ে শিৰোনামা দখল কৰি অহাৰ সময়তে বৰপেটা জিলাৰ এখন গাঁৱে সকলোৰে দৃষ্টি আকৰ্ষণ কৰিছে (Example of Hindu Muslim harmony) ৷ দেশৰ বিভিন্ন প্ৰান্তত সাম্প্ৰদায়িক অস্থিৰতা আৰু উত্তেজনাই বিৰাজ কৰাৰ সময়তে সম্প্ৰীতিৰ এক অতুলনীয় নিদৰ্শন দেখিবলৈ পোৱা গৈছে গাঁও দুখনত ৷
কলগাছিয়া ৰাজহ চক্ৰৰ অন্তৰ্গত গাঁও দুখন ৷ এই গাঁও দুখনত হিন্দু আৰু মুছলমান দুই সম্প্ৰদায়ৰ লোকে বাস কৰে ৷ হিন্দু-মুছলমানৰ সম্প্ৰীতিৰ নিদৰ্শন থকা এই গাঁও দুখন হৈছে ক্ষুদ্ৰকুছি আৰু বগুলামাৰী (Muslims demanded cemeteries and temples) ৷
শেহতীয়াকৈ ক্ষুদ্ৰকুছি গাঁওৰ অনিল চন্দ্ৰ আৰ্য্য নামৰ এজন ব্যক্তিৰ মৃত্যু হোৱাৰ পিছত নিজ ঘৰৰ চোতালতে পৰিয়াল তথা গাঁওখনৰ ৰাইজে তেওঁৰ মৃতদেহৰ সৎকাৰ কৰে ৷
যাৰবাবে এতিয়া গাঁওখনৰ দুয়ো সম্প্ৰদায়ৰ লোক একত্ৰিত হৈ এখন ৰাজহুৱা শ্মশান আৰু মন্দিৰ স্থাপন কৰাৰ বাবে দাবী জনায় (cemeteries and temples for Hindus) ৷
