বৰপেটাৰোড,17 মাৰ্চ: বৰপেটাৰোডৰ পৃথক স্থানত ফ্লায়িং স্কোৱাড আৰু স্থিৰ নিৰীক্ষণকাৰী দলৰ অভিয৷ন ৷ বুধবাৰে ফ্লায়িং স্কোৱাড আৰু স্থিৰ নিৰীক্ষণকাৰী দলে চলোৱা তালাচীত জব্দ হয় মুঠ 23,67,500 টকা ৷ শিমলাগুৰিৰ এছবিআই শাখাৰ সন্মুখত নিয়মীয়া তালাচী চলাই এখন বাহনৰ পৰা টকাখিনি জব্দ কৰা হয় ৷ ইয়াৰ পাচতে আন এখন বাহনৰ পৰা এক লাখ টকা জব্দ কৰে আৰক্ষীয়ে ৷
প্ৰাপ্ত তথ্য অনুসৰি, ছফিকুল ইছলাম নামৰ এজন যুৱকে বৰপেটাৰোডৰ পৰা সৰুপেটা অভিমুখে লৈ গৈছিল টকাখিনি ৷ ইয়াৰে এক লাখ টকা ইমৰান ৰাজা নামৰ আন এজন লোকৰ বুলি জানিব পৰা গৈছে ৷ ব্যক্তিজনে কোনো উপযুক্ত কাৰণ দৰ্শাব নোৱাৰাত জব্দ কৰা টকাখিনি আয়কৰ বিভাগত জমা ৰখাৰ কথা জানিবলৈ দিয়ে অভিযানকাৰী দলটোৱে ৷ উল্লেখ্য যে, নিৰ্বাচন বিধি অনুসৰি কোনো লোকে 50 হাজাৰতকৈ বেছি টকা লগত ৰাখিব নোৱাৰে আৰু দহ হাজাৰতকৈ বেছি মূল্যৰ নিচাজাতীয় সামগ্ৰী কঢ়িয়াই নিব নোৱাৰে ৷
সেয়েহে, নিৰ্বাচনৰ বিধি অনুসৰি সকলো ৰাইজকে এই ক্ষেত্ৰত সজাগ হ’বলৈ আহ্বান জনাইছে অভিযানকাৰী দলটোৱে ৷
লগতে পঢ়ক: নৃশংস ! পত্নীয়ে মৰিয়াই হত্যা কৰিলে স্বামীক
