বৰপেটাৰোড, 25 মেঃ অসমীয়া সমাজ সংস্কৃতিৰ সৈতে বেণ্ডপাৰ্টীৰ আছে এক গভীৰ সম্পৰ্ক । বিবাহ-সবাহত বেণ্ডপাৰ্টীত বজায়েই বহু লোকে নিজৰ পৰিয়াল পোহপাল দি আহিছিল যদিও সম্প্ৰতি দেশজুৰি ঘোষণা কৰা লকডাউনে দুৰ্দশা কঢ়িয়াই আনিছে এইসকল শিল্পীৰ জীৱনলৈ ।
বেণ্ডপাৰ্টী শিল্পীক বিধায়ক ৰঞ্জিত দাসৰ সাহাৰ্য
লকডাউনৰ ফলত আৰ্থিক দুৰ্দশাৰ সন্মুখীন হোৱা এইসকল বাদ্যযন্ত্ৰীক সোমবাৰে সাহাৰ্য আগবঢ়ায় সৰভোগ বিধানসভা সমষ্টিৰ বিধায়ক ৰঞ্জিত দাসে ।
বেণ্ডপাৰ্টী শিল্পীক বিধায়ক ৰঞ্জিত দাসৰ সাহাৰ্য
বৰপেটাৰোড সাহিত্য সভা ভৱনত অয়োজিত এক অনুষ্ঠানত সোমবাৰে সৰভোগ বিধানসভা সমষ্টিৰ 28 টা বেণ্ডপাৰ্টি দলৰ 179 গৰাকী শিল্পীক আৰ্থিক সাহাৰ্য প্ৰদান কৰে । ইয়াৰ উপৰিও বিধায়ক গৰাকীয়ে আন বিধায়ক সকলকো নিজ নিজ সমষ্টিৰ বেণ্ডপাৰ্টীৰ শিল্পীসকলক সহায় কৰাৰ বাবে আহ্বান জনায় ।
