বৰপেটাৰ শ্বহীদ মোজাম্মিল স্মৃতি সংঘত দুৰ্বৃত্তৰ তাণ্ডৱ

আৰক্ষীৰ চকুত ধূলি দি দুৰ্বৃত্তই তাণ্ডৱ চলালে বৰপেটাৰ শ্বহীদ মোজাম্মিল স্মৃতি সংঘত ৷ সংঘৰ খিৰিকীৰ লগতে বহু সম্পত্তি ভাঙি নষ্ট কৰে দুৰ্বৃত্তই ৷

বৰপেটা , 31 মাৰ্চ : বৰপেটা চহৰৰ মৰানদীৰ পাৰত অৱস্থিত শ্বহীদ মোজাম্মিল হক স্মৃতি সংঘত শনিবাৰে দুৰ্বৃত্তই চলালে তাণ্ডৱ ৷ কোনো দুৰ্বৃত্তই সংঘটোৰ খিৰিকীৰ গ্লাচসমূহ ভাঙি থৈ যোৱাৰ লগতে সংঘটোৰ বহু বিনষ্ট কৰে ৷

1979 চনত বৰপেটা চহৰৰ একাংশ যুৱ সমাজকৰ্মীৰ উদ্যোগত প্ৰতিষ্ঠা হোৱা সংঘটোৱে বিভিন্ন সমাজসেৱামূলক কামকাজ কৰি আহিছে ৷ ইপিনে সংঘটো বৰপেটা আৰক্ষী অধীক্ষকৰ কাৰ্যালয় আৰু বৰপেটা সদৰ থানাৰ পৰা 100 মিটাৰ দূৰত্বত থকা স্বত্বেও আৰক্ষীয়ে দুৰ্বৃত্তৰ এই কাণ্ড গম নোপোৱাটোহে আশ্বৰ্যকৰ কথা ৷ সম্প্ৰতি ঘটনা সন্দৰ্ভত সংঘৰ তৰফৰ পৰা আৰক্ষীৰ থানাতএখন এজাহাৰ দাখিল কৰা হৈছে ৷