বৰপেটা, 26 মে’: বৰপেটাত আয়ুস্মান কাৰ্ড বিতৰণ কাৰ্যসূচী ৷ আয়ুস্মান কাৰ্ড বিতৰণ কাৰ্যসূচীৰ শুভাৰম্ভ কৰে শিক্ষামন্ত্ৰী ডাঃ ৰণোজ পেগুৱে ৷ এই কাৰ্ড বিতৰণ কৰি এই যোজনাক পৃথিৱীৰ সৰ্ববৃহৎ স্বাস্থ্য বীমা যোজনা বুলি মন্তব্য মন্ত্ৰী পেগুৰ (Ayushman Bharat Digital Mission) ৷
উল্লেখ্য যে ভাৰত জন আৰোগ্য যোজনা আৰু আয়ুস্মান অসম মুখ্যমন্ত্ৰী জন আৰোগ্য যোজনাৰ অধীনত হিতাধিকাৰীসকলক প্ৰদান কৰা হৈছে এই স্বাস্থ্য বিমা কাৰ্ড অথবা আয়ুস্মান ভাৰত কাৰ্ড (Ayushman Bharat Assam) ৷
শিক্ষামন্ত্ৰী ডাঃ ৰণোজ পেগুৱে আজি বৰপেটা জিলা পুথিভঁৰালত জিলাখনৰ 8 লাখ 34 হাজাৰ 431 গৰাকী হিতাধিকাৰীক আয়ুস্মান কাৰ্ড বিতৰণৰ শুভাৰম্ভ কৰে ৷
মন্ত্ৰীগৰাকীয়ে সদৰী কৰা অনুসৰি বৰপেটা জিলাত মুঠ 11 লাখ 72 হাজাৰ 267 গৰাকী হিতাধিকাৰীৰ ভিতৰত মুঠ 8 লাখ 34 হাজাৰ 431 গৰাকী হিতাধিকাৰীয়েহে E KYC দাখিল কৰিছে ৷ এতিয়ালৈকে প্ৰায় 71 শতাংশ হিতাধিকাৰীয়ে E KYC দাখিল কৰা বুলি উল্লেখ কৰে মন্ত্ৰীগৰাকীয়ে ৷
আনহাতে মন্ত্ৰীগৰাকীয়ে বাকী থকা হিতাধিকাৰীসকলকো অতি সোনকালে শীঘ্ৰেই E KYC দাখিল কৰিবলৈ আহ্বান জনাই ৷ উল্লেখ্য যে E KYC দাখিল নকৰা লোকসকলে চিকিৎসাৰ সময়ত এই যোজনাৰ পৰা লাভ কৰিবলগীয়া চৰকাৰী সুবিধাৰ পৰা বঞ্চিত হ’ব ৷ গতিকে এই সুবিধা আদায়ৰ বাবে E KYC দাখিল কৰিব লাগিব হিতাধিকাৰীসকলে (Ayushman card distribution) ৷
মন্ত্ৰী ৰণোজ পেগুৱে (Minister Ranoj Pegu) আয়ুস্মান জন আৰোগ্য যোজনাক পৃথিৱীৰ সৰ্ববৃহৎ স্বাস্থ্য বীমা আঁচনি বুলি উল্লেখ কৰি এই আঁচনিৰ অধীনত দেশৰ 1350 খন হাস্পতালত 5 লাখ টকা পৰ্যন্ত চিকিৎসাৰ সুবিধা লাভ কৰিবলৈ সক্ষম হ’ব বুলি উল্লেখ কৰে ৷
লগতে পঢ়ক: Manipur crisis update: ইম্ফল ইষ্টত কেন্দ্ৰীয় মন্ত্ৰী আৰ কে সিঙৰ বাসগৃহ আক্ৰমণ প্ৰতিবাদকাৰীৰ
