বৰপেটাৰোড, 20 ডিচেম্বৰ: বিগত 15 ডিচেম্বৰ তাৰিখে সন্ধিয়া বৰপেটাৰোডৰ শিমলাগুৰীস্থিত আদৰ্শ একাডেমিৰ একাদশ শ্ৰেণীৰ ছাত্ৰী তথা মানসপুৰৰ যুৱতী ইছিকা সাহা নিজ গৃহৰ পৰা নিৰুদ্দেশ হৈছিল ৷ নিৰুদ্দেশ হোৱাৰ পিছত পৰিয়ালৰ লোকে ছাত্ৰীগৰাকীক বহু ঠাইত বিচাৰ খোঁচাৰ কৰিছিল যদিও কোনো ধৰণৰ শুংসূত্ৰ পোৱা নাছিল । পৰৱৰ্তী সময়ত পৰিয়ালৰ লোকে বৰপেটাৰোড আৰক্ষী থানাত ছাত্ৰীগৰাকী নিৰুদ্দেশ হোৱা সম্পৰ্কত এখন এজাহাৰ দাখিল কৰে ৷
কিন্তু দুৰ্ভাগ্যজনকভাৱে শুকুৰবাৰে আৰক্ষীয়ে তদন্ত চলাই বৰপেটাৰ জয়পুৰৰ বেকী নৈত ছাত্ৰীগৰাকীৰ মৃতদেহ উদ্ধাৰ কৰে ৷ যুৱতীগৰাকীৰ মৃতদেহ উদ্ধাৰ(Ishika death case) হোৱাৰ পাছতে পৰিয়ালৰ লোকৰ লগতে বৰপেটাৰোড চহৰত এক শোকাকুল পৰিৱেশৰ সৃষ্টি হয় । লগতে এইদৰে ৰহস্যজনকভাৱে মৃতদেহ উদ্ধাৰ হোৱা ঘটনাই বৰপেটাৰোডত এক উত্তাল পৰিৱেশৰ সৃষ্টি হয় ৷
বৰপেটাৰোডৰ মানসপুৰৰ এই ছাত্ৰী গৰাকীৰ ৰহস্যজনক মৃত্যু(Mysterious death of a student in Barpeta Road)ৰ পাচতে ছাত্ৰীগৰাকীৰ ঘৰত কেবিনেট মন্ত্ৰী ৰণজিৎ কুমাৰ দাস উপস্থিত হৈ পৰিয়ালৰ লোকৰ পৰা সমগ্ৰ ঘটনাৰ বুজ লয়(Minister Ranjeet Kumar Dass visited to Ishika Saha's house) ৷ লগতে ছাত্ৰীগৰাকীৰ এনে ৰহস্যজনক মৃত্যুত গভীৰ দুখ প্ৰকাশ কৰে মন্ত্ৰী ৰণজিৎ কুমাৰ দাসে ৷
ইফালে, মন্ত্ৰী ৰণজিৎ কুমাৰ দাসে মৃত ছাত্ৰীগৰাকীৰ ঘৰত উপস্থিত হৈ কয় যে, আৰক্ষীয়ে অতি ক্ষীপ্ৰ গতিত এই ৰহস্যজনক মৃত্যুৰ ৰহস্য ফাদিল কৰিবলৈ তদন্ত আৰম্ভ কৰিছে ৷ লগতে মন্ত্ৰী গৰাকীয়ে কয় যে অসম আৰক্ষীয়ে ৰাইজৰ বিপদৰ সময়ত উপস্থিত থাকি সদায়ে সকাহ দি আহিছে ৷ ইয়াৰোপৰি বিজেপিৰ বৰপেটাৰোড মণ্ডলৰ সভাপতি ৰাজা সৰকাৰৰ লগতে দলটোৰ কেবাজনো নেতাৰ সৈতে যোগাযোগ ৰাখি ঘটনাটোৰ সৱিশেষৰ খবৰ লয় ৷
ইতিমধ্যে শনিবাৰে বৰপেটাৰোডত প্ৰায় তিনি শতাধিক লোকে ইছিকা সাহাৰ মৃতদেহ লৈ সমদল কৰাৰ লগতে হত্যাকাৰীক 24 ঘণ্টাৰ ভিতৰত কৰায়ত্ত কৰাৰ দাবীত প্ৰতিবাদ সাব্যস্ত কৰে ৷ আনহাতে, ইছিকা সাহাৰ সৈতে কোনে হোৱাট্চএপ কৰিছিল বা ফোন কৰিছিল সেই অনুপাতে তদন্ত অব্যাহত ৰাখিছে আৰক্ষীয়ে ৷ শেহতীয়াকৈ মৃত ইছিকা সাহাৰ মোবাইল জব্দ কৰি আৰক্ষীয়ে ক্ষিপ্ৰতাৰে তদন্ত আৰম্ভ কৰিছে ৷
লগতে পঢ়ক : Students Dead: ছাত্ৰীৰ ৰহস্যজনক মৃত্যুত উত্তাল বৰপেটাৰোড
