নিয়ন্ত্ৰণ হেৰুৱাই পথৰ কাষৰ ঘৰত খুন্দিয়ালে ডাম্পাৰে

কলগাছিয়া থানাৰ অন্তৰ্গত বালাৰপথাৰ গাঁৱত বালি কঢ়িওৱা ডম্পাৰে নিয়ন্ত্ৰণ হেৰুৱাই খুন্দা মাৰে পথৰ কাষৰ ঘৰত ৷ ঘটনা সংঘটিত কৰিয়েই পলায়ন কৰে ডাম্পাৰখনৰ চালক ৷

জনিয়া,25 ডিচেম্বৰ : কলগাছিয়াত ভয়ংকৰ পথ দুৰ্ঘটনা ৷ কলগাছিয়া থানাৰ অন্তৰ্গত বালাৰপথাৰ গাঁৱত বালি কঢ়িওৱা ডম্পাৰে নিয়ন্ত্ৰণ হেৰুৱাই দুৰ্ঘটনাটো সংঘটিত কৰে ৷ ঘটনা অনুসৰি, বৃহস্পতিবাৰে নিশা AS26C6360 নম্বৰৰ বালি কঢ়িওৱা ডাম্পাৰখনে নিয়ন্ত্ৰণ হেৰুৱাই অঞ্চলটোৰ মাইনুদ্দিন নামৰ এজন লোকজনৰ ঘৰত আহি খুন্দিয়ায় ৷

কলগাছিয়াত নিয়ন্ত্ৰণ হেৰুৱাই ডাম্পাৰে খুন্দিয়ালে পথৰ কাষৰ ঘৰত

দুৰ্ঘটনাটোত কথমপি ৰক্ষা পৰে বাহনখনৰ চালক ৷ লগতে মাইনুদ্দিনৰ পৰিয়ালৰো কোনো ব্যক্তি এই দুৰ্ঘটনাত আহত নহয় ৷ আনহাতে, দুৰ্ঘটনা সংঘটিত কৰিয়েই ঘটনাস্থলীৰ পৰা পলায়ন কৰে ডাম্পাৰখনৰ চালকজন ৷ ঘটনাস্থলীত আৰক্ষী উপস্থিত হৈ তদন্ত অব্যাহত ৰাখিছে ৷

লগতে পঢ়ক-বিজেপিলৈ যাবনে অজন্তা : আজিৰ ভিতৰত উত্তৰ লাগে প্ৰদেশ কংগ্ৰেছক