জনীয়া,30 মাৰ্চ: কলগাছিয়া আৰক্ষী থানাৰ অন্তৰ্গত চেনিমাৰি হাস্পতাল বজাৰৰ এখন কাপোৰৰ বিপণীত সোমবাৰে নিশা সংঘটিত হৈছে চুৰিকাণ্ড ৷ বিপণীখনৰ স্বত্বাধিকাৰী হবিবৰ ৰহমান বুলি জানিব পৰা গৈছে ৷ নিশা তলা ভাঙি বিপণীখনত থকা সমস্ত কাপোৰ চোৰে লুটি নিয়ে ৷ প্ৰায় আঢ়ৈ লাখ টকাৰ কাপোৰ চোৰে লুটি নিয়াৰ কথা জানিবলৈ দিয়ে বিপণীখনৰ স্বত্বাধিকাৰীয়ে ৷
কলগাছিয়াৰ চেনিমাৰীত চুৰিকাণ্ড
উল্লেখ্য যে, কলগাছিয়া আৰক্ষী থানাৰ অন্তৰ্গত বিভিন্ন এলেকাত জুৱা, মদৰ অবাধ প্ৰচলনৰ বাবে এনে চুৰিকাণ্ড সংঘটিত হৈ অহা বুলি স্থানীয় ৰাইজে সন্দেহ প্ৰকাশ কৰে ৷ ৰাইজে চোৰক কৰায়ত্ব কৰি উচিত শাস্তি বিহিবলৈ প্ৰশাসনক দাবী জনাইছে ৷
লগতে পঢ়ক : সাপেখাতীৰ বাকচুত ভয়ংকৰ অগ্নিকাণ্ড
