কলগাছিয়া, 22 ফেব্ৰুৱাৰী : কলগাছিয়া আৰক্ষী থানাৰ সমীপৱৰ্তী নৱনিৰ্মিত কলগাছিয়া মিনি ষ্টেডিয়ামত সোমবাৰে দিনত সংঘটিত হয় ভয়ংকৰ অগ্নিকাণ্ড । অগ্নিকাণ্ডৰ ফলত ষ্টেডিয়ামৰ ভিতৰত থকা নিৰ্মাণ কাৰ্যত ব্যৱহৃত কাঠ, বাঁহ আদি সামগ্ৰী জুইত ভষ্মীভূত হয় । বৰ্তমানলৈ জানিব পৰা হোৱা নাই অগ্নিকাণ্ডৰ কাৰণ ৷
কলগাছিয়া অগ্নিনিৰ্বাপক বাহিনীৰ গাড়ী যথাসময়ত আহি জুই নিৰ্বাপিত কৰে । অগ্নিকাণ্ডৰ পৰা কথমপি ৰক্ষা পৰে আৰক্ষী থানাৰ আৱাসিক কোঠা । অগ্নিকাণ্ডই ভয়াবহ ৰূপ ধাৰণ কৰা হ’লে বৰপেটা অসামৰিক চিকিৎসালয়, কলগাছিয়া ৰাজহ চক্ৰ আৰু পি ডব্লিউ ডি আই বিৰ ওপৰতো প্ৰভাৱ পৰিলেহেঁতেন ৷
লগতে পঢ়ক : নলবাৰীত অগপৰ নিৰ্বাচনী কুচ-কাৱাজ
