জনিয়া,৬ জুলাই: চৰকাৰী স্বাস্থ্যখণ্ডত চলি থকা চৰম অনিয়মৰ ঘটনাই প্ৰায়ে দখল কৰে সংবাদ শিৰোনাম । চৰকাৰে স্বাস্থ্যখণ্ডত আমোল পৰিৱৰ্তন আনিবলৈ হাাতত লৈছে বিভিন্ন কাৰ্যপন্থা । কিন্তু, একাংশ স্বাস্থ্যখণ্ডই বৃদ্ধাংগুষ্ঠ দেখুৱাইছে চৰকাৰী নীতি-নিৰ্দেশনাক । মূখ্যমন্ত্ৰীৰ বিনামূলীয়া ৰোগ নিৰ্ণায়ক সেৱা প্ৰদান কৰা এটা কাৰ্যালয়ে পোহৰলৈ আনিছে এই ভয়ংকৰ তথ্য ।
কলগাছিয়াৰ বৰপেটা অসামৰিক চিকিৎসালয়স্থিত মুখ্যমন্ত্ৰীৰ বিনামূলীয়া ৰোগ নিৰ্ণায়ক সেৱাকেন্দ্ৰত চলিছে চৰম অৰাজকতা । কিয়নো বিনামূলীয়াকৈ ৰোগৰ পৰীক্ষা কৰিবলৈ আহি বিপাঙত পৰিছে ৰাইজে । ৰাজ্যৰ প্ৰতিখন অসামৰিক চিকিৎসালয়ত ২৪ ঘন্টাই ৰোগীৰ সেৱাত আছে মূখ্যমন্ত্ৰীৰ বিনামূলীয়া ৰোগ নিৰ্ণায়ক সেৱা ।
সেই হিচাপে কলগাছিয়াস্থিত বৰপেটা অসামৰিক চিকিৎসালয়তো আছে কৃষ্ণা ডায়গনষ্টিকে চলাই আছিল মুখ্যমন্ত্ৰীৰ বিনামূলীয়া ৰোগ নিৰ্ণায়ক সেৱা । কিন্তু কলগাছিয়াৰ বৰপেটা অসামৰিক চিকিৎসালয়ত কৃষ্ণা ডায়গনষ্টিকৰ নেতৃত্বত চলি থকা মুখ্যমন্ত্ৰীৰ বিনামূলীয়া ৰোগ নিৰ্ণায়ক সেৱাৰ সুবিধা লাভ নকৰাৰ গুৰুতৰ অভিযোগ উত্থাপিত হৈছে ।
উল্লেখ্য যে, ২৪ ঘণ্টাই ৰোগীৰ সেৱাত থাকিবলগীয়া মুখ্যমন্ত্ৰীৰ বিনামূলীয়া ৰোগ নিৰ্ণায়ক সেৱা ৰোগীয়ে ঘন্টাৰ পিছত ঘন্টা বহি থাকিও লাভ নকৰে এই সুবিধা । এনে এক ঘটনাই পোহৰলৈ আহে বুধবাৰে । এজন ৰোগীয়ে পথ দূৰ্ঘটনাত গুৰুতৰভাৱে আহত হৈ ভৰ্তি হৈছিল কলগাছিয়াৰ বৰপেটা অসামৰিক চিকিৎসালয়ত । চিকিৎসকে ৰোগীক পৰামৰ্শ দিছিল এক্স-ৰে কৰাৰ বাবে ।
কিন্তু ৰোগীজনে ঘন্টাৰ পিছত ঘন্টা বহি থাকিও কৰিব পৰা নাছিল এক্স-ৰে । কিয়নো চিকিৎসালয়খনৰ মুখ্যমন্ত্ৰীৰ বিনামূলীয়া ৰোগ নিৰ্ণায়ক সেৱাৰ ডিজিটেল এক্স-ৰেৰ কোঠালিত লগোৱা আছিল তলা । ৰাইজৰ অভিযোগ কৃষ্ণা ডায়গনষ্টিকৰ নেতত্বত চলি থকা ডিজিটেল এক্সৰেৰ কৰ্মচাৰীয়ে বাহিৰৰ ডায়গনাষ্টিক চেন্টাৰৰ পৰা কমিছনৰ বাবে ২৪ ঘন্টাই লাভ কৰিব লগা সেৱা নিতৌ এনেদৰে বন্ধ ৰাখে ।
ইফালে, বৰপেটা অসামৰিক চিকিৎসালয়ৰ অধীক্ষক ডাঃ নজিৰুল ইছলামেও কৃষ্ণা ডায়গনষ্টিকৰ নেতত্বত চলি থকা মুখ্যমন্ত্ৰীৰ বিনামূলীয়া ৰোগ নিৰ্ণায়ক সেৱাত ব্যাপক অৱহেলা কৰাৰ কথা স্বীকাৰ কৰে । এই ক্ষেত্ৰত বিভাগীয় কৰ্তৃপক্ষই কি ব্যৱস্থা গ্ৰহণ কৰে সেয়া সময়ত লক্ষণীয় হ'ব ।
লগতে পঢ়ক: Assam Gogoi controversy: মন্ত্ৰী ৰণজিৎ কুমাৰ দাসক ক্ষমা খোজাৰ দাবী টাইপাৰ
