বৰপেটা, ২০ ফেব্ৰুৱাৰী: বৰপেটাৰ পালহাজী গাঁৱত বন বিভাগৰ অভিযানত উৎখাট দুটাকৈ অবৈধ কাঠ ফলা কল ৷ বৰপেটাৰোড বনাঞ্চলিক বিষয়া গৌতম মহন্তৰ নিৰ্দেশমৰ্মে বৰপেটা খণ্ড বন বিষয়া বনজিত দাস, বনপালক অচিন্ত দেউৰী, ৰাতুল পাঠক আৰু দীপক দাসৰ নেতৃতত অভিযান চলাই উৎখাট কৰে টাকৈ অবৈধ কাঠ ফলা কল ৷
বন বিভাগৰ দলটোৱে কলটোত ব্যৱহৃত বিভিন্ন সা-সৰঞ্জামৰ লগতে বৃহৎ পৰিমানৰ কাঠো জব্দ কৰিবলৈ সক্ষম হয় ৷ বন বিভাগৰ চকুত ধূলি দি বৰপেটাৰ ভিতৰুৱা চাপৰি অঞ্চলত একাংশ অসাধু লোকে অবৈধ কাঠফলা কলৰ ৰমৰমীয়া ব্যৱসায় চলাই আহিছে ।
অৱশ্যে, বৰপেটাৰ খণ্ড বন বিষয়াৰ নেতৃত্বত এনে অবৈধ কাঠ ফলা কলৰ বিৰুদ্ধে বন বিভাগে অভিযান অব্যাহত ৰাখিছে ৷ বন বিভাগে জনোৱামতে, চলিত মাহত জিলাখনৰ ভিতৰুৱা বিভিন্ন স্থানত অভিযান চলাই কেবাটাও অবৈধ কল উৎখাট কৰিবলৈ সক্ষম হৈছে ৷
লগতে পঢ়ক:নিৰ্বাচনৰ পূৰ্বে জুবিনৰ ‘ৰাজনীতি’
