জনীয়া, 27 ডিচেম্বৰ : এটা পথক কেন্দ্ৰ কৰি জনীয়াত অনিৰ্দিষ্টকালীন অনশনত বহিল আশ্ৰফুল ইছলাম নামৰ এজন ব্যক্তি ৷ জানিব পৰা মতে, তিতাপানী গাঁৱৰ পৰা তিতাপানী মধ্যচৰলৈ যোৱা একমাত্ৰ পথটো মহৰ আলী নামৰ এজন লোকে কোনো কাৰণ নোহোৱাকৈ বন্ধ কৰি দিয়ে ৷ আনকি সেই পথেৰে যাব নোৱাৰে এম্বুলেঞ্চো ৷ ইয়াকে লৈ বিভিন্ন সমস্যাৰ সন্মুখীন হ'ব লগা হয় বৃহত্তৰ অঞ্চলটোৰ ৰাইজ ৷
যাৰ পৰিপ্ৰেক্ষিতত আশ্ৰাফুল ইছলাম নামৰ সমাজসেৱক গৰাকীয়ে ৰাইজৰ সমস্য়াৰ প্ৰতি লক্ষ্য ৰাখি শনিবাৰৰ পৰা অনিৰ্দিষ্টকালীন অনশন কাৰ্যসূচী ৰূপায়ণ কৰে ৷ ইপিনে আশ্ৰাফুল ইছলামৰ এই কাৰ্যক সঁহাৰি জনাইছে গাঁৱৰ শ শ ৰাইজে ৷ উল্লেখ্য যে,আশ্ৰাফুলৰ এই কাৰ্যক একাংশ লোকে বাধা প্ৰদান কৰাৰ লগতে একাংশই কাজিয়া পৰ্যন্ত লিপ্ত হৈছে ৷ কিন্তু তথাপিও হাৰ নামানি পথ মুকলি কৰি নিদিয়া পৰ্যন্ত অনশন চলিয়েই থাকিব বুলি সংবাদমাধ্যমৰ আগত মন্তব্য কৰে আশ্ৰাফুলে ৷
