বৰপেটা, ২৬ অক্টোবৰঃ বৰপেটাৰ হাউলীত পুৱতি নিশা আৰক্ষীৰ জালত পৰিল চাৰিটাকৈ দূধৰ্ষ ডকাইত ৷ হাউলী আৰক্ষীয়ে গোপন খবৰৰ ভিত্তিত অভিযান চলাই মৈৰামাৰাত গ্ৰেপ্তাৰ কৰে চাৰিটা ডকাইতক ৷ ধৃত ডকাইতকেইটা নলবাৰী জিলাৰ মুকালমুৱাৰ মুজাকিৰ হুছেইন, দেবব্ৰত হৰিজন আৰু বৰপেটা জিলাৰ হাউলীৰ চাইফুল ইছলাম খান আৰু নুৰজামাল হক ৷
উল্লেখ্য যে, ডকাইত দলটোৰ পৰা দুটা সজীৱ গুলিসহ জব্দ দুটা পুতলা পিষ্টল ৷ আনহাতে ডকাইতৰ দলটোৱে ব্যৱহাৰ কৰা AS 06 E 8416 নম্বৰৰ অল্টো কাৰ এখনো জব্দ কৰে আৰক্ষীয়ে ৷ এই অভিযানৰ সময়ত আন্ধাৰৰ সুযোগ লৈ নলবাৰী জিলাৰ মুকালমুৱাৰ ৰমজান আলী আৰু মনোৱাৰ হুছেইন নামৰ ডকাইত দুটা পলাই সাৰিবলৈ সক্ষম হয় ৷
হাউলী থানাৰ ভাৰপ্ৰাপ্ত বিষয়াই জনোৱামতে বৰপেটা, হাউলী আৰু বৰপেটাৰোড চহৰত ডকাইতিৰ উদ্দেশ্যে গুৱাহাটীৰ পৰা আহিছিল ডকাইতৰ দলটো ৷ আৰক্ষীয়ে আগতীয়া খবৰ লাভ কৰি ডকাইতৰ দলটোৰ বিৰুদ্ধে অভযান চলাই গ্ৰেপ্তাৰ কৰে ডকাইতৰ দলটোক ৷
