বৰপেটাত আটক জুৱাৰী

বৰপেটাত আটক কৰা হয় দুটা জুৱাৰী ৷ দুই জুৱাৰীৰ পৰা জুৱাৰ সামগ্ৰীৰ লগতে নগদ প্ৰায় ৭ হাজাৰ টকা জব্দ কৰে আৰক্ষীয়ে ৷

বৰপেটা, ৩০ নৱেম্বৰ: সোমবাৰে বৰপেটা সদৰ থানাৰ ভাৰপ্ৰাপ্ত বিষয়া তপন মেধিৰ নেতৃত্বত চলা এক অভিযানত আটক হয় দুটা জুৱাৰী ৷ আৰক্ষীয়ে জনীয়াৰ চৌধুৰী বজাৰত অভিযান চলাই আটক কৰে জুৱাৰী দুটাক ৷

বৰপেটাত আটক জুৱাৰী

আৰক্ষীয়ে আটক কৰা দুই জুৱাৰী হৈছে জনীয়াৰ সৰল খান আৰু কলগাছিয়াৰ বলাইপথাৰৰ নয়ন খান ৷ দুই জুৱাৰীৰ পৰা জুৱাৰ সামগ্ৰীৰ লগতে নগদ প্ৰায় ৭ হাজাৰ টকা জব্দ কৰে আৰক্ষীয়ে ৷ মঙলবাৰে জুৱাৰী দুটাক আদালতত হাজিৰ কৰি জেললৈ প্ৰেৰণ কৰিব বুলি আৰক্ষীয়ে সদৰি কৰে ৷

অন্য এক খবৰৰ বাবে: ক'ভিড-19ত আক্ৰান্ত কেন্দ্ৰীয় মন্ত্ৰী ৰামেশ্বৰ তেলী