বৰপেটাত আটক পাঁচজনীয়া বাইক চোৰৰ দল

বৰপেটাত পাঁচজনীয়া বাইক চোৰৰ এটি দলৰ লগতে তিনিখন চুৰী বাইক জব্দ কৰিবলৈ সক্ষম হয় বৰপেটা আৰক্ষীয়ে ৷

বৰপেটাৰোড 18 জুন : বৰপেটাত অব্যাহত আছে চোৰৰ টিঘিলঘিলনী ৷ শুকুৰবাৰে বৰপেটাৰোড আৰক্ষীয়ে অভিযান চলাই পাচঁজনীয়া বাইক চোৰৰ এটি দলক আটক কৰিবলৈ সক্ষম হয় ৷ দলটিৰ পৰা আৰক্ষীয়ে জব্দ কৰে তিনিখনকৈ বাইক ৷ বৰপেটাৰোড আৰক্ষীয়ে কৰায়ত্ত কৰা বাইক চোৰ কেইটা হ'ল ছামচুল আলম (আলোপটি চৰ) ছাইফুল ইছলাম (পাণবাৰী) কাইমুদ্দিন (অভয়াপুৰী) আইনুদ্দিন (অভয়াপুৰী)আৰু আলতাফ হুছেইন (পাণবাৰী) ৷

বিগত কিছুদিন ধৰি বৰপেটাৰোড চহৰৰ বিভিন্ন স্থানৰ পৰা চোৰ কেইটাই কেইবাখনো বাইক চুৰি কৰি নিছিল ৷ আৰক্ষীয়ে চোৰ কেইটাক আটক কৰাৰ লগতে তিনিখনকৈ চুৰি বাইকো চোৰ কেইটাৰ পৰা উদ্ধাৰ কৰিবলৈ সক্ষম হয় ৷ আৰক্ষীয়ে প্ৰকাশ কৰা অনুসৰি, চোৰকেইটাই ডুপ্লিকেট নম্বৰ লগাই বাইককেইখন ব্যৱহাৰ কৰি আহিছিল ৷ বৰপেটাৰোড আৰক্ষীয়ে আটক কৰা চোৰ পাঁচটাক শুকুৰবাৰে বৰপেটা আদালতলৈ প্ৰেৰণ কৰে ৷

অন্য এক খবৰৰ বাবে: কি কি চৰ্তত ৰেহাই হ'ব Microfinance ৰ ঋণ ?