বৰপেটা, 13 মে': বৰপেটা জিলাৰ কলগাছিয়া আৰক্ষী থানাৰ অন্তৰ্গত বৰভিটা বজাৰত মঙলবাৰে ভয়াৱহ অগ্নিকাণ্ডৰ ঘটনা সংঘটিত হয় । অগ্নিকাণ্ডত অৰ্ধ শতাধিক দোকান ভস্মীভূত হোৱাৰ লগতে একে শাৰীতে থকা ১৫ খন দোকানৰ বিস্তৰ ক্ষতি হয়। এই পৰ্যন্ত জুইৰ সূত্ৰপাত কোনখন দোকানৰ পৰা হৈছে সেই বিষয়ে জানিব পৰা হোৱা নাই যদিও বিদ্যুতৰ শ্বৰ্ট চাৰ্কিটৰ ফলতেই অগ্নিকাণ্ড সংঘটিত হোৱাৰ সন্দেহ প্ৰকাশ কৰিছে ৰাইজে ।
কলগাছিয়াৰ বৰভিটা বজাৰত ভয়াৱহ অগ্নিকাণ্ড
অগ্নিকাণ্ড সংঘটিত হোৱাৰ লগে লগে অগ্নিনির্বাপক বাহিনীক খবৰ দিয়ে যদিও অগ্নিনির্বাপক বাহিনীৰ লোক আধাঘণ্টা পাছত ঘটনাস্থলীত উপস্থিত হোৱা বুলি অভিযোগ কৰে স্থানীয় ৰাইজে । উল্লেখ্য যে, অগ্নিকাণ্ডত প্ৰায় ১ কোটি টকাৰ ক্ষতি হোৱাৰ ধাৰণা কৰিছে ৰাইজে।
লগত পঢ়ক : মুম্বাইৰ পৰা বাছ যোগে গুৱাহাটীত উপস্থিত কৰ্কট ৰোগী
