কলগাছিয়া,১৫ মে': অসম আৰক্ষীৰ কনিষ্টবলৰ আৰু শিক্ষক পদৰ নিযুক্তি তালিকা প্ৰকাশৰ পিছতেই এতিয়া ৰাজ্যৰ সকলো প্ৰান্ততে দেখা গৈছে এক আনন্দময় পৰিৱেশ । সমান্তৰালভাৱে কলগাছিয়াটো একেই পৰিৱেশ বিৰাজ কৰিছে । কলগাছিয়াত নিযুক্তি লাভ কৰা যুৱক-যুৱতীৰ মাজত ব্যাপক উৎসাহ দেখিবলৈ পোৱা গৈছে ।
ইয়াৰ মাজতে এক বিশেষ পদক্ষেপ গ্ৰহণ কৰা পৰিলক্ষিত হয় কলগাছিয়াত । কলগাছিয়া ডিফেঞ্চ ৱাল্ড ফিজিকেল কোচিং চেন্টাৰত সম্বৰ্ধনা জ্ঞাপন কৰে নতুনকৈ নিযুক্তি লাভ কৰা ৮ গৰাকী যুৱক-যুৱতীক(Felicitation of newly recruited youth) । কলগাছিয়া ডিফেঞ্চ ৱাল্ড ফিজিকেল কোচিং চেন্টাৰে বিগত সময়ত বহু দৰিদ্ৰ পৰিয়ালৰ যুৱক-যুৱতীক প্ৰদান কৰি আহিছিল প্ৰশিক্ষণ ।
ইয়াৰ মাজৰে সদ্য ঘোষিত অসম আৰক্ষীৰ কনিষ্টবল পদৰ তালিকাত কোচিং চেন্টাৰ মুঠ ৮ গৰাকী দৰিদ্ৰ নিবনুৱা যুৱক-যুৱতীয়ে নিযুক্তি লাভ কৰিবলৈ সক্ষম হ'ল(New appointments in Assam Police Constable and Assam Tet) । নিযুক্তি লাভ কৰা যুৱক-যুৱতীসকলক সম্বৰ্ধনা জ্ঞাপন কৰে চেন্টাৰটোত । যুৱক যুৱতী সকলক একোখনকৈ ফুলাম গামোচা আৰু জাপিৰে অভিনন্দন জনায় । ইফালে, নিযুক্তি লাভ কৰা যুৱক যুৱতী সকলে চৰকাৰক সম্পূৰ্ণ নিযুক্তি প্ৰক্ৰিয়াটো নিকা আৰু স্বচ্ছ ভাৱে সম্পন্ন কৰাৰ কথাৰে ধন্যবাদ জ্ঞাপন কৰে ।
লগতে পঢ়ক: কৃত্ৰিম বানত বুৰিল নলবাৰী চহৰ: একাঠু পানীৰ তলত জয়ন্ত মল্ল বৰুৱাৰ সপোনৰ নলবাৰী
