জনীয়া,17 মাৰ্চঃ কলগাছিয়া ৰাজহ চক্ৰৰ অন্তৰ্গত খাৰবাল্লী গাঁৱত বেকী নৈৰ সূঁতিৰে কণ কণ ছাত্ৰ-ছাত্ৰীয়ে বিপদ সংকুলভাৱে যাত্ৰা কৰিবলগীয়া হৈছে । মৰণক শৰণ দি যাতায়ত কৰিব লগা হৈছে কণ কণ ছাত্ৰ-ছাত্ৰী আৰু স্থানীয় ৰাইজ । চৰকাৰ আহিল আৰু চৰকাৰ গ'ল কিন্তু গাঁৱলীয়া ৰাইজৰ পৰিৱৰ্তন নহ’ল ।
উল্লেখযোগ্য যে, খাৰবাল্লীৰ পৰা ডাউকমাৰী, সূঁতিৰ পথাৰলৈ যোৱা ৰাস্তাটো বানে উটুৱাই নিয়াৰ পিছৰে পৰাই ৮০৬ নং খাৰবাল্লী প্ৰাথমিক বিদ্যালয়ৰ চাৰি শতাধিক কণ কণ ছাত্ৰ-ছাত্ৰীৰ লগতে মহিলা, যুৱক-বৃদ্ধ সকলোৱে ঈশ্বৰৰ নাম লৈ বেকী নদীৰ সূঁতিৰে পাৰাপাৰ হ’বলগীয়া হৈছে ।
আনহাতে, উপায়ন্তৰ হৈ স্থানীয় ৰাইজে খাৰবাল্লীৰ সমীপত এখন দলং নিৰ্মাণ কৰিবলৈ চৰকাৰক দাবী জনাইছে ৷ অন্যথা সমাগত বিধানসভা নিৰ্বাচনত ভোট বৰ্জনৰ হুংকাৰ প্ৰদান কৰিছে ভূক্তভোগী ৰাইজে ।
লগতে পঢ়কঃ ৰঙিয়াৰ প্ৰাৰ্থী দেবব্ৰত কলিতাৰ মনোনয়ন প্ৰত্যাহাৰ
