বৰপেটা ১২ মাৰ্চ: সমাগত অসম বিধানসভা নিৰ্বাচন । ৰাজ্যত নিৰ্বাচন আচৰণবিধি বলৱৎ হৈ থকাৰ পৰিপ্রেক্ষিতত তাৰাবাৰী আৰক্ষীৰ জালত দুই ড্ৰাগছ ব্যৱসায়ী । বৰপেটা জিলাৰ আৰক্ষী অধীক্ষক ডাঃ ৰবীন কুমাৰৰ নেতৃত্বত জিলাখনৰ চুকে-কোণে চলিছে ড্ৰাগছ বিৰোধী অভিযান । ড্ৰাগছ বিৰোধী অভিযানত সফলতা লাভ কৰিবলৈ সক্ষম হৈছে বৰপেটা জিলাৰ তাৰাবাৰী আৰক্ষী । তাৰাবাৰী আৰক্ষী থানাৰ ভাৰপ্ৰাপ্ত আৰক্ষী বিষয়া জ্যোতিষ দাসৰ তৎপৰতাত ধৃত দুই ড্ৰাগছ ব্যৱসায়ী আৰক্ষীৰ জালত ।
বিশেষ সূত্ৰৰ পম খেদি জ্যোতিষ দাসৰ নেতৃত্বত আৰক্ষীৰ দল এটাই বহৰি বাছ আস্থানৰ পৰা ড্ৰাগছৰ ব্যৱসায়ৰ লগত জৰিত থকাৰ অভিযোগত দুজন যুৱকক আটক কৰে । ধৃত যুৱক দুজন বৰপেটা জিলাৰ তাৰাবাৰী আৰক্ষী থানাৰ অন্তৰ্গত বুলি জানিব পৰা গৈছে । ধৃত দুই ড্ৰাগছ ব্যৱসায়ী ক্ৰমে গণকপাৰাৰ আৰিফ আলী (১৯) আৰু মাদ্ৰাছা চকৰ জাকাৰিয়া আহমেদ (১৯) বুলি জানিব পৰা গৈছে ।
যুৱক দুজনৰ পৰা সন্দেহযুক্ত ব্ৰাউনচুগাৰ ভৰ্তি ১৬ টা প্লাষ্টিকৰ কন্টেইনাৰ জব্দ কৰে আৰক্ষীয়ে । যুৱক দুজনৰ বিৰুদ্ধে তাৰাবাৰী আৰক্ষীয়ে নিজাববীয়াকৈ গোচৰ ৰুজু কৰা বুলি জানিব পৰা গৈছে ।
লগতে পঢ়ক: ডিব্ৰুগড় আৰক্ষীৰ তালাচীত জব্দ 6 লাখ টকা
