বৰপেটা,25 এপ্ৰিল : সমগ্ৰ ৰাজ্যৰ লগতে বৰপেটা জিলাতো বৃদ্ধি পাইছে কৰ'ণাত আক্ৰান্ত হোৱা লোকৰ সংখ্যা ৷ ইফালে দক্ষিণ বৰপেটা বিদ্যামন্দিৰ হাইস্কুলৰ এগৰাকী শিক্ষয়িত্ৰীৰ দেহতো ধৰা পৰিছে কৰ'ণা ভাইৰাছৰ উপস্থিতি ৷
শিক্ষয়িত্ৰী গৰাকী কৰ'ণাত আক্ৰান্ত হোৱাৰ লগে লগেই ক'ভিড-১৯ বিধি অনুসৰি বিদ্যালয়খনক জৰুৰীভাৱে কণ্টেইনমেণ্ট জ'ন হিচাপে ঘোষণা কৰিছে প্ৰশাসনে ৷ জিলা প্ৰশাসনৰ নিৰ্দেশ অনুসৰি অহা ৯ মে'লৈ কণ্টেইনমেণ্ট জ'ন হৈ থাকিব দক্ষিণ বৰপেটা বিদ্যামন্দিৰ হাইস্কুলখন ৷
ইফালে বিদ্যালয় খন কণ্টেইনমেণ্ট জ'ন হিচাপে থকা সময়ছোৱাত বিদ্যালয় খনত পাঠদান বন্ধ থকাৰ লগতে যিকোনো লোকৰে প্ৰৱেশ-প্ৰস্থানত নিষেধাজ্ঞা জাৰি কৰিছে প্ৰশাসনে ৷ ইপিনে ক'ভিডত আক্ৰান্ত হোৱা শিক্ষয়িত্ৰীগৰাকী বৰ্তমান হোম কোৱাৰেণ্টাইন হৈ আছে বুলি জানিবলৈ পোৱা গৈছে ৷
