বৰপেটা, ৮ মাৰ্চঃ উখল মাখল সত্ৰনগৰী বৰপেটা ৷ দৌল মহোৎসৱ উপলক্ষে হোলীগীতৰ সুৰত বুৰ গৈছে বৰপেটা সত্ৰৰ কীৰ্তনঘৰ চৌহদ ৷ দৌল মহোৎসৱক লৈ উখল-মাখল পৰিবেশৰ মাজতে দেওবাৰে বৰপেটা সত্ৰত উপস্থিত হৈ গুৰুজনাৰ প্ৰতি সেৱা আগবঢ়ায় প্ৰদেশ কংগ্ৰেছৰ সভাপতি ৰিপুন বৰাই ৷ সত্ৰত সেৱা জনোৱাৰ লগতে প্ৰদেশ কংগ্ৰেছৰ সভাপতিগৰাকীয়ে ভাগ লয় হোলীগীতত ৷
বৰপেটাৰ দৌল মহোৎসৱ অংশগ্ৰহণ ৰিপুন বৰাৰ
বৰপেটা সত্ৰত সতীৰ্থ নেতাসকলৰ সৈতে হোলীগীতৰ ৰসত ডুব যায় সভাপতিগৰাকী ৷ প্ৰদেশ কংগ্ৰেছৰ সভাপতিগৰাকীয়ে অসমবাসীলৈ দৌলৰ শুভেচ্ছা জনাই বৰপেটা সত্ৰত এনেদৰে উপস্থিত হ'বলৈ পাই ধন্য হোৱা বুলি প্ৰকাশ কৰে ৷ আনহাতে, বিশ্বব্যাপী আতংক বিয়পোৱা কৰ'ণা ভাইৰাছৰ পৰা সজাগ হোৱাৰ উদ্দেশ্যে ৰাইজক জনসমাগমৰ পৰা আঁতৰি থাকিবলৈ আহ্বান জনায় ৷
