বৰপেটা, ২৩ আগষ্ট: নিচাযুক্ত সামগ্ৰীৰ বিৰুদ্ধে ৰাজ্যৰ আৰক্ষী প্ৰশাসন সষ্টম হোৱাৰ পিছতো এতিয়াও ৰাজ্যৰ ভিন্ন প্ৰান্তত চলিছে ড্ৰাগছৰ ৰমৰমীয়া বেহা ৷ এইবাৰ হাউলীত ড্ৰাগছ সেৱন কৰি যুৱকৰ মৃত্যু হোৱাৰ আশংকা কৰিছে স্থানীয় লোকে ৷ মঙলবাৰে পুৱা হাউলী চহৰৰ মূল বজাৰৰ পৌৰসভাৰ দ্বাৰা নিৰ্মিত অট্টালিকাত এজন যুৱকৰ ৰহস্যজনক মৃতদেহ উদ্ধাৰ কৰা হৈছে (Body recovered at Howly)৷
উদ্ধাৰ হোৱা মৃতদেহটো ভৱানীপুৰ সমষ্টিৰ সৰুপেটাৰ নৱদীপ কুমাৰ নাথ বুলি জানিব পৰা গৈছে ৷ হাউলীৰ আৰক্ষী বিভাগত কৰ্মৰত অতুল নাথৰ পুত্ৰ ২৬ বছৰীয়া নৱদীপ (Youth mysterious death at Howly)৷
সোমবাৰে যুৱকজন ঘৰৰ পৰা ওলাই অহাৰ পিচত নিশা উভতি যোৱা নাছিল (Youth death by consuming drugs)৷ ইয়াৰ পিছতে মঙলবাৰে স্থানীয় ব্যৱসায়ীসকলে যুৱকজনৰ মৃতদেহটো প্ৰত্যক্ষ কৰি আৰক্ষীক খবৰ দিয়ে ৷ সম্প্ৰতি ঘটনাস্থলীত আৰক্ষী উপস্থিত হৈ প্ৰাথমিক তদন্ত আৰম্ভ কৰিছে ৷ ইপিনে পৌৰ সভাৰ অট্টালিকাটোত মদ, ভাং আৰু ড্ৰাগছৰ অবাধ আড্ডা চলাৰ অভিযোগ উত্থাপন কৰিছে স্থানীয় লোকে ৷
এতিয়াও যুৱকজন কি পৰিস্থিতিত মৃত্যু হৈছিল সেয়া স্পষ্ট হোৱা নাই যদিও মদ বা ড্ৰাগছ সেৱনৰ ফলতে যুৱকজনৰ মৃত্যু হোৱাৰ আশংকা কৰিছে স্থানীয় লোকে ৷ ঘটনা সন্দৰ্ভত আৰক্ষীয়ে তদন্ত অব্যাহত ৰাখিছে ৷
উল্লেখ্য যুৱকজনৰ পিতৃ পূৰ্বে হাউলী থানাত আৰক্ষীত কৰ্মৰত থকা সূত্ৰে পৰিয়ালৰ সৈতে হাউলী চহৰত কেবাবছৰো আছিল যুৱকজন ৷ সেইবাবে সেই অঞ্চলটোৰ বহুলোকে চিনি পাইছিল যুৱকজনক৷ যুৱকজনৰ ৰহস্যজনক মৃত্যুত শোকত ভাগি পৰিছে পৰিয়ালৰ লোক ৷
লগতে পঢ়ক: প্ৰেমিকক ভিডিঅ' কল কৰি প্ৰেমিকাৰ আত্মহত্যা
