বৰপেটাৰোড 27 নৱেম্বৰঃ শুকুৰবাৰে বাক্সাৰ মথনগুৰীত বিজেপিৰ নিৰ্বাচনী সভাত অংশলৈ মন্ত্ৰী ড° হিমন্ত বিশ্ব শৰ্মাই বিপিএফে বিটিচিত পৰ্বতসম দুৰ্নীতি কৰাৰ অভিযোগত হাগ্ৰামা মহিলাৰীৰ নেতৃত্বৰ বিপিএফক এইবাৰ বেলনা মাৰিৰে ৰাইজে কোবাব বুলি তীব্ৰ বাক্যবান নিক্ষেপ কৰে হাগ্ৰামা মহিলাৰী আৰু বিপিএফলৈ ৷
আগন্তুক দিনত বিটিচিত বিজেপিয়ে চৰকাৰ গঠন কৰাটো নিশ্চিত বুলি মন্ত্ৰী ড° শৰ্মাই দাবী কৰে ৷ লগতে ৰঞ্জিত কুমাৰ দাসৰ নেতৃত্বত সৰভোগ সমষ্টিত আমূল পৰিবৰ্তন হোৱাৰ কথা ব্যক্ত কৰে মন্ত্ৰী হিমন্ত বিশ্ব শৰ্মাই ৷ মথনগুৰী পৰিষদীয় সমষ্টিৰ বিজেপিৰ প্ৰাৰ্থী গৌতম দাসৰ সমৰ্থনত বাক্সাৰ লাবদাংগুৰীত বিশাল নিৰ্বাচনী সভাত মন্ত্ৰী ড° হিমন্ত বিশ্ব শৰ্মাৰ উপৰিও বিজেপিৰ ৰাজ্যিক সভাপতি ৰঞ্জিত কুমাৰ দাস, মংগলদৈ সমষ্টিৰ সাংসদ তথা বিজেপিৰ ৰাষ্ট্ৰীয় সাধাৰণ সম্পাদক দিলীপ শইকীয়া, ন-বিজেপি নেতা বিশ্বজিৎ দৈমাৰীৰ লগতে বহু নেতা আৰু কেইবা সহস্ৰাধিক সমৰ্থক উপস্থিত থাকে ৷
লগতে পঢ়কঃ ৰঞ্জিত পাটগিৰীৰ কাব্য গ্ৰন্থ 'প্ৰিয় বৰ্ণ' উন্মোচন
