জনীয়া,17 এপ্ৰিল: কলগাছিয়া আৰক্ষী থানাৰ অন্তৰ্গত শওপূৰৰ কৰাৰকুৰ বজাৰত ৰাইজে বাইক চুৰিৰ অভিযোগত বৰভিটা গাঁৱৰ মিজানুৰ ৰহমান নামৰ এজন যুৱকক আৱদ্ধ কৰি ৰাখে ৷ উক্ত খবৰ লাভ কৰি কলগাছিয়া থানাৰ আৰক্ষীৰ এটা দল ঘটনাস্থলীত উপস্থিত হয় ৷ ৰাইজে আৱদ্ধ কৰি ৰখা যুৱকজনক আৰক্ষীয়ে আটক কৰি AS 15 D 7176 নম্বৰৰ এখন ক’লা পালচাৰ মটৰ চাইকেলখন উদ্ধাৰ কৰি থানালৈ লৈ যায় ৷
ইফালে স্থানীয় একাংশ ৰাইজে উক্ত ঘটনাক কেন্দ্ৰ কৰি আৰক্ষীৰ লগত তৰ্কাতৰ্কিত লিপ্ত হোৱা দেখা যায় । অৱশ্যে যুৱকজন প্ৰকৃততে চোৰ হয় নে নহয় সেইটো আৰক্ষীৰ তদন্ততহে স্পষ্ট হৈ পৰিব ।
লগতে পঢ়ক: বি পি এফৰ তিনি মন্ত্ৰীক লৈ ব্যাপক চৰ্চা
