পাঠশালা, 17 অক্টোবৰ : ৪১ নং ভবানীপুৰ বিধানসভা সমষ্টিত এতিয়া নিৰ্বাচনৰ বতাহ বলিছে । ৩০ অক্টোবৰত হ’ব লগীয়া উপ-নিৰ্বাচনত বিজেপি প্ৰাৰ্থী ফণীধৰ তালুকদাৰৰ জয়লাভৰ বাবে ঘনে ঘনে বহিছে অগপ-বিজেপিৰ বৈঠক ।
দেওবাৰে ভবানীপুৰৰ অগপ কাৰ্যালয়ত ভবানীপুৰ সমষ্টি সমিতিৰ সভাপতি ড৹ মনোৰঞ্জন দাসৰ সভাপতিত্বত হোৱা বৈঠকত অগপৰ জেষ্ঠ নেতা ফণীভূষণ চৌধুৰীয়ে বিজেপিক জয়ী কৰোৱাৰ বাবে কৰ্মীসকলক দেহেকেহে লাগিবৰ বাবে নিৰ্দেশ দিয়ে ।
লগতে তেওঁ কয় যে, জালুকবাৰৰীৰ পৰা ধুবুৰীলৈ তেওঁ একমাত্ৰ অগপ বিধায়ক হৈ আছে যদিও অগপৰ স্থিতি নামনি অসমত শক্তিশালী । আনহাতে নামনি অসমৰ মানুহে চেলেং, ৰিহা আদিৰ বিষয়ে নাজানে বুলি কোৱা কথাটো এচামে অনাহকত বিতৰ্ক কৰা বুলি কয় ফণীভূষণ চৌধুৰীয়ে ।
আনহাতে বিজেপি নেতা জয়ন্ত মল্ল বৰুৱাই বৈঠকত উপস্থিত থাকি কেবাটাও গুৰুত্বপূৰ্ণ মন্তব্য কৰে । অগপ বিজেপি ভাই ভাই বুলিও কয় তেওঁ । ফণীধৰ তালুকদাৰ সন্দৰ্ভত মন্তব্য কৰি তেওঁ কয় যে, ফণীধৰ তালুকদাৰৰ নিজা ভোট থকাৰ বাবে সমষ্টটোত বিজেপিয়ে ৯০ হাজাৰ ভোট পাব ।
লগতে পঢ়কঃ আলফাৰে শান্তি আলোচনা : পৰেশ বৰুৱাৰ অপেক্ষাত আৰু কিমান দিন !
