বৰপেটা, 11 এপ্ৰিল : বৰপেটা আৰক্ষীয়ে দেওবাৰে মটৰ চাইকেল চুৰিৰ লগত জড়িত দুটাকৈ দুৰ্ধৰ্ষ চোৰক আটক কৰিবলৈ সক্ষম হয় ৷ দুৰ্ধৰ্ষ চোৰ দুটাৰ পৰা আৰক্ষীয়ে দুখনকৈ চুৰি হোৱা এনফিল্ড বুলেট জব্দ কৰিবলৈ সক্ষম হয়(Barpeta Police arrested two thieves with bikes) ৷ বৰপেটা আৰক্ষীয়ে সদৰি কৰা অনুসৰি, ধৃত চোৰ দুটা ক্ৰমে পাটবাউসীৰ চিন্ময় কলিতা আৰু কেওটপাৰাৰ ছফিকুল ইছলাম ৷
উল্লেখ্য যে, চিন্ময় কলিতা নামৰ চোৰটোৱে মটৰ চাইকেল চুৰি কৰি গতাই দিয়ে কেওটপাৰাৰ ছফিকুলক ৷ ছফিকুলে চুৰি মটৰ চাইকেলবোৰ বিভিন্ন স্থানত বিক্ৰী কৰে ৷ বৰপেটা আৰক্ষীয়ে মটৰ চাইকেল চুৰিকাণ্ডৰ লগত জড়িত গেংটোক আটক কৰাৰ পিচতে পোহৰলৈ আহিছে বহু তথ্য(Gang of bike thieves arrested in Barpeta) ৷
বিগত 4 এপ্ৰিলত বৰপেটাৰ বিলৰটাৰী হাটী আৰু 5 এপ্ৰিলত বৰপেটা মেডিকেল কলেজ হাস্পতাল চৌহদৰ পৰা চুৰি হৈছিল দুখনকৈ এনফিল্ড বুলেট ৷ বৰপেটা আৰক্ষীয়ে ঘটনাৰ তদন্ত অব্যাহত ৰাখি দুৰ্ধৰ্ষ মটৰ চাইকেল চোৰ দুটাক আটক কৰিবলৈ সক্ষম হয় ৷ সম্প্ৰতি আৰক্ষীয়ে চোৰ দুটাৰ পৰা আৰু অধিক তথ্য সংগ্ৰহৰ বাবে জেৰা অব্যাহত ৰাখিছে ৷
লগতে পঢ়ক : বেংকৰ টকা চুৰি কৰি ধৰা পৰা চোৰে ক’লে 'No Comment'
