বৰপেটা, ৬ নৱেম্বৰ: বৰপেটাত শোকাৱহ দুৰ্ঘটনাত কন্য়া সন্তান আৰু নাতিসহ প্ৰাণ হেৰুৱালে এজন লোকে। বৃহস্পতিবাৰে বৰপেটাৰ নাঙলকুৰ গাঁৱত সংঘটিত হয় এই হৃদয়বিদাৰক ঘটনা। নাঙলকুৰৰ পৰা বৰপেটা চহৰ অভিমুখে গৈ থকা অৱস্থাতে নাঙলকুৰত নিয়ন্ত্ৰণ হেৰুৱাই মৰানদীত পৰে এখন তীব্ৰবেগী হুণ্ডাই ইয়ন। দুৰ্ঘটনাত থিতাতে নিহত হয় নুৰুল ইছলাম নামৰ এজন লোক।
তেওঁৰ লগতে বাহনখনত থকা তেওঁৰ ১৪ বছৰীয়া কন্যা নাচিমা আৰু নাতি চাকিবুল হাচানেও মৃত্যুক আঁকোৱালি লয়। চাকিবুল হাচান নিহত নুৰুল ইছলামৰ জ্যেষ্ঠ কন্যাৰ পুত্ৰ ৷ দুৰ্ঘটনা সংঘটিত হোৱাৰ খবৰ পোৱাৰ লগে লগে গাঁৱৰ ৰাইজে নৈৰ পৰা তিনিওকে উদ্ধাৰ কৰি বৰপেটা মেডিকেল কলেজ হাস্পতালত ভৰ্তি কৰে যদিও চিকিৎসকে মৃত ঘোষণা কৰে ৷ এই দুৰ্ঘটনাৰ পিছতে অঞ্চলজুৰি শোকাকুল পৰিৱেশৰ সৃষ্টি হয়।
লগতে পঢ়ক:আলু পিয়াঁজৰ উৰ্ধমুখী দামে জ্বলাকলা খুৱাইছে সৰ্বসাধাৰণ ৰাইজক
