সোণা উল্লাহক বিনাচৰ্তে মুক্তিৰ দাবীত বৰপেটাত অবস্থান ধৰ্মঘট

সোণা উল্লাহক বিনাচৰ্তে মুক্তিৰ দাবীত সোমবাৰে বৰপেটাত প্ৰতিবাদত নামিল কৃষক মুক্তি আৰু ছাত্ৰ মুক্তি সংগ্ৰাম সমিতি ৷ সোণা উল্লাহৰ লগত হোৱা ঘটনাই ভাৰতীয় নাগৰিকৰ ওপৰত চলি থকা হাৰাশাস্তিক উদঙাই দিয়া বুলিও অভিহিত কৰে প্ৰতিবাদকাৰীসকলে

বৰপেটা, ৩ জুনঃ ৰাষ্ট্ৰপতিৰ পদকপ্ৰাপ্ত ভাৰতীয় সেনাৰ অবসৰপ্ৰাপ্ত বিষয়া সোণা উল্লাহৰ নাগৰিকত্বক লৈ সন্দেহৰ সৃষ্টি হোৱাৰ লগতে বাংলাদেশী নাগৰিক বুলি ডিটেনছন কেম্পলৈ প্ৰেৰণ কৰা কাৰ্যৰ বিৰোধিতাৰে ৰাজ্যত অব্যাহত আছে প্ৰতিবাদ ৷ সোণা উল্লাহক বিনাচৰ্তে মুক্তিৰ দাবীত সোমবাৰে বৰপেটাত প্ৰতিবাদত নামিল কৃষক মুক্তি আৰু ছাত্ৰ মুক্তি সংগ্ৰাম সমিতি ৷ কৃষক মুক্তি আৰু ছাত্ৰ মুক্তি সংগ্ৰাম সমিতিৰ বৰপেটা জিলা সমিতিয়ে বৰপেটা জিলা পুথিভঁৰালত দুঘন্টীয়া অবস্থান ধৰ্মঘট কাৰ্যসূচী ৰূপায়ণ কৰে৷ সোণা উল্লাহৰ লগত হোৱা ঘটনাই ভাৰতীয় নাগৰিকৰ ওপৰত চলি থকা হাৰাশাস্তিক উদঙাই দিয়া বুলিও অভিহিত কৰে প্ৰতিবাদকাৰীসকলে ৷

প্ৰতিবাদকাৰীসকলে বৰপেটাৰ জিলা উপায়ুক্তৰ জৰিয়তে ৰাজ্যৰ মুখ্যমন্ত্ৰীলৈ স্মাৰকপত্ৰ প্ৰেৰণ কৰি ভাৰতীয় সেনাৰ অবসৰপ্ৰাপ্ত বিষয়াগৰাকীক অতিশীঘ্ৰে মুক্তিৰ লগতে সীমান্ত আৰক্ষীৰ হাৰাশাস্তি আৰু বিদেশী ন্যায়াধীকৰণত চলি থকা অন্যায় আৰু অনিয়ম বন্ধ কৰাৰ বাবেও দাবী উত্থাপন কৰে ৷

আৰু পঢ়কঃ সোণা উল্লাহ বিতৰ্কঃ তদন্তকাৰী বিষয়াৰ বিৰুদ্ধে গোচৰ