বৰপেটা, ১০ জুনঃ বৰপেটাৰ কলগাছিয়াত উদ্ধাৰ এখন চুৰি মটৰ চাইকেল ৷ গুৱাহাটী মালিগাঁৱৰ পৰা চুৰি হোৱা পালচাৰ মটৰ চাইকেলখন আৰক্ষীয়ে উদ্ধাৰ কৰে কলগাছিয়াৰ লাচেংগা গাঁৱত ৷ আৰক্ষীয়ে উদ্ধাৰ কৰা মটৰ চাইকেলখনৰ লগতে আটক কৰে মটৰ চাইকেল চোৰজন ৷
বৰপেটাত উদ্ধাৰ গুৱাহাটীৰ পৰা চুৰি মটৰ চাইকেলঃ আটক এজন
মটৰ চাইকেল চোৰজন মহুৰ উদ্দিন বুলি চিনাক্তকৰণ ৷ তথ্য অনুসৰি এ এছ ০ ১ ডি এক্স ৬২৫৬ নম্বৰৰ পালচাৰ 200 খন চুৰি কৰি বৰপেটাৰ নিজ গৃহত আত্মগোপন কৰি আছিল মহুৰ উদ্দিন৷ মটৰ চাইকেলখন বিক্ৰীৰ বাবে চেষ্টা চলাই থকাৰ সময়তে আৰক্ষীয়ে গোপন খবৰৰ ভিত্তিত অভিযান চলাই মটৰ চাইকেলখন উদ্ধাৰ কৰাৰ লগতে চোৰজনক আটক কৰিবলৈ সক্ষম হয় ৷ গুৱাহাটীত থাকি বিভিন্ন চুৰি ডকাইতিৰ লগতে মটৰ চাইকেল চুৰিৰে সন্ত্ৰাস সৃষ্টি কৰা চোৰজনক জেৰা কৰিলে বহু তথ্য ওলোৱাৰ সম্ভাৱনা আছে বুলি আৰক্ষীয়ে প্ৰকাশ কৰিছে ৷ সম্প্ৰতি চোৰজনক জেৰা অব্যাহত আছে ৷
