বৰপেটা, ১৭ মাৰ্চ: বৰপেটা জিলাৰ তাৰাবাৰী আৰক্ষী থানাৰ অন্তৰ্গত বাটগাঁৱত দেওবাৰেসন্ধিয়া এক ভয়ংকৰ বাইক দুৰ্ঘটনাত এজন লোক থিতাতে নিহত হোৱাৰ লগতে দুজন লোক গুৰুতৰভাৱে আহত হয়। নিহত লোকজন বাটগাঁৱৰবালাপাৰা নয়াপাৰাৰ প্ৰয়াত নৰেন্দ্ৰ তালুকদাৰৰ পুত্ৰ মৃণাল তালুকদাৰ (৪০) বুলি জানিব পৰা গৈছে । জানিব পৰা মতে সন্ধিয়া বৰপেটা দিশৰ পৰা চেঙা অভিমুখী তীব্ৰ গতিত অহা পালচাৰ বাইকৰ খুন্দাৰ থিতাতে নিহত হয় পথচাৰী মৃণাল তালুকদাৰ । দুৰ্ঘটনাটোত বাইক আৰোহী দুজন গুৰুতৰ ভাবে আহত হয়।আহত দুজন ক্ৰমেজাহাংগীৰ আলম(৩০) আৰু ইমদাদুল আলী(১৬)।
বাটগাঁৱতশোকাবহ পথ দুৰ্ঘটনা এজনৰ মৃত্যু দুজন আহত
আহত লোক দুজনক সংকটজনক অৱস্থাত গুৱাহাটী চিকিৎসা মহাবিদ্যালয় হস্পিতালয়লৈ প্ৰেৰণ কৰে । দুৰ্ঘটনা সংঘটিত কৰা বাহনখনৰ নম্বৰ এ এচ ১৫ এন- ৬৭১৭, সম্প্ৰতি মৃণাল তালুকদাৰৰ মৃতদেহটো তাৰাবাৰী আৰক্ষীৰ থানাত ৰখা হৈছে ।
