বৰপেটা, 3 ফেব্ৰুৱাৰীঃ বৰপেটা জিলাৰ কলগাছিয়া আৰক্ষী থানাৰ অন্তৰ্গত বামুনটাৰীত দেওবাৰে সংঘটিত হয় ভয়ংকৰ পথ দুৰ্ঘটনা। দুৰ্ঘটনাত নিহত হয় বামুনটাৰী গাঁৱৰ এজন বৃদ্ধ। নিহত বৃদ্ধজনৰ নাম আক্কাছ আলি (৬৫)। বৰপেটাৰ পৰা লেংটিছিঙা অভিমুখী ৰাষ্ট্ৰীয় ঘাইপথত সংঘটিত হয় এই পথ দুৰ্ঘটনা। AS-15 P-4310 টি ভি এছ আপাচি বাইকেৰে আমগুৰি গাঁওৰ আব্দুল কাদেৰ নামৰ এজন যুৱকে আক্কাছ আলি নামৰ বৃদ্ধজনক পিছফালৰ পৰা খুন্দা মাৰে। দুৰ্ঘটনাত আহতদ্বয়ক ৰাইজে ততাতৈয়াকৈ কলগাছিয়া অসামৰিক চিকিৎসালয়ত ভৰ্তি কৰে যদিও চিকিৎসকে আক্কাছ আলীৰ মৃত্যু হোৱা বুলি জানিবলৈ দিয়ে । লগতে দুৰ্ঘটনা সংঘটিত কৰা আব্দুল কাদেৰ নামৰ যুৱকজনক সংকটজনক অৱস্থাত বৰপেটা মেডিকেল কলেজলৈ প্ৰেৰণ কৰে।
কলগাছিয়াত পথ দুৰ্ঘটনা
লগতে পঢ়কঃ বিলাসীপাৰাত ৰাষ্ট্ৰীয় পতাকাক অৱমাননা : এসপ্তাহে উৰি থাকিল তিৰংগা
