বৰপেটা, ২৭ ফেব্ৰুৱাৰী : অসম আন্দোলনৰ নেতা, সদৌ অসম ছাত্ৰ সন্থাৰ প্ৰাক্তন সাধাৰন সম্পাদক, বৰপেটাৰ পৰা প্ৰকাশিত বৰপীঠ নামৰ সাপ্তাহিক কাকতখনৰ সম্পাদক, সমাজসেৱক শশধৰ কাকতিৰ বুধবাৰে নিশা মৃত্যু হয় ৷ সদৌ অসম ছাত্ৰ সন্থাৰ প্ৰাক্তন সাধাৰন সম্পাদকগৰাকীৰ শেষকৃত্য অনুষ্ঠানত আজি উপস্থিত থাকে মুখ্যমন্ত্ৰীৰ প্ৰেছ উপদেষ্টা হৃষীকেশ গোস্বামী ৷
আছুৰ প্ৰাক্তন সাধাৰন সম্পাদক শশধৰ কাকতি আৰু নাই
মুখ্যমন্ত্ৰীৰ নিৰ্দেশক্ৰমে আজি হৃষীকেশ গোস্বামী বৰপেটাত উপস্থিত হৈ ছাত্ৰ সন্থাৰ প্ৰাক্তন সাধাৰন সম্পাদক গৰাকীৰ প্ৰতি শেষ শ্ৰদ্ধা নিবেদন কৰে ৷ অসম আন্দোলনৰ আগশাৰীৰ নেতা হিচাপে আন্দোলনক নেতৃত্ব প্ৰদান কৰা সতীৰ্থগৰাকীৰ সান্নিধ্যৰ স্মৃতি সোঁৱৰন কৰে হৃষীকেশ গোস্বামীয়ে ৷ মুখ্যমন্ত্ৰীৰ প্ৰেছ উপদেষ্টাগৰাকীয়ে শোকসন্তপ্ত পৰিয়ালবৰ্গৰ প্ৰতিও সমবেদনা জ্ঞাপন কৰে ৷
