বৰপেটাৰোড, 15 আগষ্টঃ স্বাধীনতা দিৱসৰ উলহ মালহৰ মাজতে বৰপেটাৰোডত সংঘটিত হয় অঘটন ৷ ৰাহুল সাহা নামৰ এজন কিশোৰৰ সলিল সমাধি ঘটাত চহৰ খনত শোকৰ ছাঁ পৰিছে ৷ ঘটনা অনুসৰি, বৃহস্পতিবাৰে সমনীয়াৰ সৈতে জাখলিৰপাৰৰ এটা পুখুৰীত কিশোৰজনে গা ধুবলৈ গৈছিল যদিও বহু সময় ধৰি কিশোৰ গৰাকীয়ে ঘৰলৈ উভতি অহা নাছিল ৷ ইয়াৰ পাচতে পৰিয়ালৰ লোকে কিশোৰ জনক বিচাৰ খোচাৰ কৰি অৱশেষত জাখলিৰপাৰৰ উক্ত পুখুৰীটোৰ পৰা কিশোৰ গৰাকীক স্থানীয় ৰাইজৰ সহযোগত উদ্ধাৰ কৰে ৷ কিশোৰ জনক উদ্ধাৰ কৰি ততাতৈয়াকৈ বৰপেটাৰোডৰ চিকিৎসালয়ত ভৰ্তি কৰোৱা হৈছিল যদিও চিকিৎসকে কিশোৰ গৰাকীক মৃত ঘোষণা কৰে ৷
বৰপেটাৰোডত কিশোৰৰ সলিল সমাধি
