7 বজাৰ শীৰ্ষ 10 টা বাতৰি

7 বজাৰ শীৰ্ষ 10 টা বাতৰি

ক'ভিডে প্ৰাণ ল'লে ৰাজ্যৰ এগৰাকী শীৰ্ষ আমোলাৰ । দেওবাৰে ক'ভিডত আক্ৰান্ত হোৱা জ্যেষ্ঠ আই এ এছ বিষয়া তথা আবকাৰী বিভাগৰ প্ৰধান সচিব ৰাজেশ প্ৰসাদৰ চিকিৎসাধীন অৱস্থাত তেওঁৰ মৃত্যু হয় (Excise Secretary Rajesh Prasad died in Covid)।

এ আই ইউ ডি এফৰ বিধায়ক কৰিমুদ্দিন বৰভূঞাই ( AIUDF MLA Karimuddin Barbhuiya) ৰাষ্ট্ৰপতি নিৰ্বাচনৰ ক্ৰছ ভোটিং সন্দৰ্ভত দেবব্ৰত শইকীয়াৰ বিৰুদ্ধে গুৰুতৰ অভিযোগ আনিছিল । সেই সন্দৰ্ভত বিৰোধী দলপতি দেবব্ৰত শইকীয়াই দেওবাৰে প্ৰকাশ কৰে নিজৰ প্ৰতিক্ৰিয়া (Debabrata Saikia criticize Karimuddin Barbhuiya) ৷

৪ বছৰীয়া চুক্তিৰ পিছত অৱসৰ গ্ৰহণ কৰা হাজাৰ হাজাৰ 'অগ্নিবীৰ'ৰ ভৱিষ্যত কি হ'ব, কেন্দ্ৰক প্ৰশ্ন কংগ্ৰেছ নেতা ৰাহুল গান্ধীৰ ৷

কুলধৰ শইকীয়াৰ সভাপতিত্বত অনুষ্ঠিত হয় অসম সাহিত্য সভাৰ ষষ্ঠ পূৰ্ণাংগ কাৰ্যনিৰ্বাহক সভা (6th Executive of Asam Sahitya Sabha)।কাৰ্যনিৰ্বাহকত গ্ৰহণ কৰা হয় কেইবাটাও গুৰুত্বপূৰ্ণ সিদ্ধান্ত । আৰম্ভ হ'ল পৰৱৰ্তী সভাপতি, উপ-সভাপতি আৰু প্ৰধান সম্পাদকৰ বাবে নিৰ্বাচনী প্ৰক্ৰিয়া ।

মন্ত্ৰী কেশৱ মহন্তই (Minister Keshab Mahanta in Hojai)হোজাইৰ বান বিধ্বস্ত অঞ্চল আজি পৰিদৰ্শন কৰাৰ লগতে জিলাখনৰ ক্ষয়-ক্ষতিৰ পৰিমাণ বুজ লয় ৷ মন্ত্ৰীগৰাকীয়ে বন্যাৰ্ত সকলৰ সৈতেও মত বিনিময় কৰে ৷

এখন অসম্পূৰ্ণ দলঙৰ বাবে জীয়াতু ভুগিছে নাজিৰাৰ এটা বৃহত্তৰ অঞ্চলৰ লোকে (Incomplete bridge at Nazira)৷ মুখ্যমন্ত্ৰী হিমন্তবিশ্ব শৰ্মাৰ নিৰ্বাচনী প্ৰতিশ্ৰুতি অনুসৰি দলংখন নিৰ্মাণৰ কাম আৰম্ভ কৰা হৈছিল যদিও আজিকোপতি সম্পূৰ্ণ নহ’ল(CM Himanta Biswa Sarma at Nazira) ৷ ফলত হাহাকাৰ পৰিস্থিতিৰ সৃষ্টি হৈছে নাজিৰা-গেলেকী সংযোগী হুদুপৰা এটা অঞ্চলত ।

সংবাদমেলত AIUDF ৰ নেতৃত্ব (AIUDF press conference) । বিদ্যালয় প্ৰাদেশিকীকৰণ বন্ধ কৰাৰ চৰকাৰী সিদ্ধান্তৰ তীব্ৰ বিৰোধীতা । অপ্ৰাদেশীকৃত বিদ্যালয়ত অধ্যয়নৰত শিক্ষাৰ্থীসকলৰ ভৱিষ্যত কি হ'ব ? প্ৰাদেশিকীকৰণ আইন সংশোধন কৰি বিদ্যালয়সমূহ প্ৰাদেশিকীকৰণ কৰাৰ দাবী । AIUDF দলে শিক্ষকসকলৰ বাবে আইনী যুঁজ দিবলৈ প্ৰস্তুত । বিনা বেতনে আত্মহত্যা কৰিছে ৪০০ শিক্ষকে । ৰাজ্যৰ ৩৪ লাখ শিশু প্ৰাথমিক শিক্ষা লাভৰ পৰা বঞ্চিত ৷

কেন্দ্ৰীয় চৰকাৰৰ বিৰুদ্ধে সৰৱ দিল্লীৰ বনমন্ত্ৰী গোপাল ৰায় (Delhi Forest Minister Gopal Rai criticizes central government)। ৰাজ্য চৰকাৰৰ কাৰ্যসূচীক বিজেপিয়ে ৰাজনৈতিক কাৰ্যসূচীলৈ ৰূপান্তৰিত কৰাৰ চেষ্টা কৰাৰ অভিযোগ বন মন্ত্ৰীৰ । কেন্দ্ৰীয় চৰকাৰৰ নিৰ্দেশত আৰক্ষীয়ে লগাইছে নৰেন্দ্ৰ মোডীৰ পোষ্টাৰ ।

সৰভোগত অৰ্ধশতাধিক বিজেপি আৰু চিপিআইএম কৰ্মীয়ে যোগদান কৰিলে আম আদমী পাৰ্টীত (Joining program of AAP at Sorbhog) ৷ সৰভোগৰ ব্ৰজসদন প্ৰাংগণত সুৰেন তালুকদাৰৰ সভাপতিত্বত আৰু জিলা পৰ্যায়ৰ নেতাৰ সহযোগত অৰ্ধ শতাধিক কৰ্মীয়ে যোগদান কৰে আম আদমী পাৰ্টীত ।

এগৰাকী শিক্ষকৰ কামনাৰ বলি হ’ল এগৰাকী বনকৰা কিশোৰী । নগাঁৱৰ কচুৱা চানখোলাত সংঘটিত হৈছে এই জঘন্য ঘটনা (Sexual Harassment by Teacher in Nagaon)। শিক্ষক আব্দুল মন্নানৰ বিৰুদ্ধে উত্থাপিত এই অভিযোগ । উল্লেখ্য যে, বিগত বহুদিন ধৰি শিক্ষক আব্দুল মন্নানৰ ঘৰত কাম কৰি আছিল কিশোৰীগৰাকী ।