বাক্সা, 12 মাৰ্চঃ বিটিচি নিৰ্বাচনৰ বাবে ইতিমধ্যে নিৰ্বাচনী আয়োগে 11 মাৰ্চত জাৰি কৰিছে অধিসূচনা । আগন্তুক ৪ এপ্ৰিলত অনুষ্ঠিত হ'ব বিটিচি নিৰ্বাচন । ইতিমধ্যে ৰাজনৈতিক দল সমূহে ৰাজনৈতিক বাক্যৰে আৰম্ভ কৰিছে আক্ৰমণ-প্ৰত্যাক্ৰমণ । বিটিচিৰ ৰাজনৈতিক বতাহ ক্ৰমান্বয়ে গৰম হ'বলৈ ধৰাৰ সময়তে বিপিএফ আৰু বিজেপিৰ মিত্ৰতাই লৈছে অন্য এক ৰূপ। এতিয়া দুয়োটা দলৰ মাজত মিত্ৰতা থাকিও চিপ্ৰাং মৰা ৰাজনীতিৰ বাকযুদ্ধ আৰম্ভ হৈছে ।
বৃহস্পতিবাৰে গোৰেশ্বৰ সমষ্টিৰ বিপিএফৰ কাৰ্যবাহী সদস্য মহেশ্বৰ বসুমতাৰীয়ে এখন সভাত উপস্থিত থাকি তাপূৰ্যপূৰ্ণ মন্তব্য আগবঢ়াই ৷ মহেশ্বৰ বসুমতাৰীয়ে কয়, বিজেপি দলৰ সৈতে মিত্ৰতা অক্ষুন্ন থাকিব , বিজেপি হয়তো তলে তলে চিপ্ৰাঙহে মাৰিব পাৰিব কিন্তু মিত্ৰতা ভংগ কৰিব নোৱাৰে ।
আনহাতে, বিজেপিৰ মন্ত্ৰী ভৱেশ কলিতাই কয় যে, বিজেপি দলত চিপ্ৰাং মাৰাৰ কোনো ৰাজনৈতিক নচলে । বিজেপি এটা সাংস্কৃতিক দল, এই দলৰ সকলো নীতি-নিয়ম মানি চলো । ইপিনে ইউপিপিএলৰ সভাপতি প্ৰমোদ বড়োৱে কয় যে, বিটিচিত বসবাস কৰা লোক সকলে কেৱল পৰিৱৰ্তন বিচাৰিছে ৷ আমাৰ লগত বিভিন্ন ৰাজনৈতিক অৰাজনৈতিক দল সংগঠনৰ আলোচনা হৈ আছে ৷ পৰোক্ষ আৰু প্ৰত্যক্ষভাবে ইউপিপিএল দলক সমৰ্থন আগবঢ়োৱা বুলিও মন্তব্য কৰে প্ৰমোদ বড়োয়ে ।
আৰু পঢ়কঃ প্ৰয়োজনত হাগ্ৰামাৰ সমষ্টিৰ পৰা প্ৰতিদ্বন্দিতা কৰিব প্ৰমোদ বড়োৱে !
