প্ৰাপ্য লাভৰ দাবীত মুছলপুৰত প্ৰতিবাদ

বাক্সা জিলাৰ মুছলপুৰ পলিটেকনিক মহাবিদ্যালয়ত কৰ্মৰত চতুৰ্থ বৰ্গৰ কৰ্মচাৰীসকলে চৰকাৰৰ বিৰুদ্ধে পালন কৰে ধৰ্ণা কাৰ্যসূচী ৷ প্ৰতিবাদকাৰীসকলে হাতে হাতে প্লে কাৰ্ড, বেনাৰ আদি লৈ চৰকাৰ বিৰোধী শ্লোগানেৰে উত্তাল কৰে পৰিৱেশ ৷

বৰমা,17 আগষ্ট: সোমবাৰে চৰকাৰৰ বিৰুদ্ধে তীব্ৰ প্ৰতিবাদ সাব্যস্ত কৰে বাক্সা জিলাৰ পলিটেকনিক মহাবিদ্যালয়ত কৰ্মৰত কৰ্মচাৰীসকলে ৷ কিয়নো এইসকল কৰ্মচাৰীয়ে বিগত 16 মাহে লাভ কৰা নাই নিজৰ প্ৰাপ্য ৷ মহাবিদ্যালয়খনত কৰ্মৰত চতুৰ্থ বৰ্গৰ কৰ্মচাৰীসকলে নিয়মীয়া বেতন লাভৰ লগতে চাকৰিৰ নিয়মীয়াকৰণৰ দাবীত ৰূপায়ণ কৰে ধৰ্ণা কাৰ্যসূচী ৷ প্ৰতিবাদীকাৰীসকলে জিলাখনৰ মুছলপুৰস্থিত বাক্সা পলিটেকনিক মহাবিদ্য়ালয়ৰ বাকৰিত সমবেত হৈ ধৰ্ণাত মিলিত হয় ৷ প্ৰতিবাদকাৰীসকলে হাতে হাতে প্লে কাৰ্ড, বেনাৰ আদি লৈ চৰকাৰ বিৰোধী শ্লোগানেৰে উত্তাল কৰে পৰিৱেশ ৷ চৰকাৰে প্ৰতিবাদকাৰীসকলৰ দাবী কিদৰে গ্ৰহণ কৰে সেয়া সময়ত লক্ষণীয় হ’ব ৷

লগতে চাওকঃ কলিয়াবৰত 17 ফুট দৈৰ্ঘ্যৰ অজগৰ উদ্ধাৰ