বাক্সাত হাতীৰ দাঁত,হৰিণাৰ শিং,হস্তনিৰ্মিত বন্দুকসহ গ্ৰেপ্তাৰ অভিযুক্ত

শিমলা আৰক্ষীৰ ভাৰপ্ৰাপ্ত বিষয়া বিজয় দৈমাৰীৰ নেতৃত্বত চলোৱা অভিযানত বৃহৎ সাফল্য ৷ অভিযানত দুটা হাতীৰ দাঁত, এটা হৰিণাৰ সিং, এটা হস্তনিৰ্মিত বন্দুক, গুলিৰ লগতে তিনিজন অভিযুক্ত চিৰাং চিকাৰীক গ্ৰেপ্তাৰ কৰে অভিযানকাৰী দলটোৱে ৷

বৰমা, 7 ছেপ্তেম্বৰ: বাক্সা জিলাৰ শিমলা থানাৰ অন্তৰ্গত হাপাচাৰা কৰেবাৰীত আৰক্ষীৰ লগতে, বন বিভাগ আৰু এছ.এছ.বিৰ জোৱানে এক অভিযান চলায় ৷ অভিযানত দুটা হাতীৰ দাঁত, এটা হৰিণাৰ শিং, এটা হস্তনিৰ্মিত বন্দুক, গুলিৰ লগতে তিনিজন অভিযুক্ত চিৰাং চিকাৰীক গ্ৰেপ্তাৰ কৰে অভিযানকাৰী দলটোৱে ৷ ধৃত চোৰাং চিকাৰী তিনি জন ক্ৰমে, হাপাচাৰাৰ লংকেশ্বৰ বসুমতাৰী, বিনোদ বসুমতাৰী আৰু কৰেবাৰীৰ মদন গয়াৰী বুলি জানিবলৈ দিয়ে আৰক্ষীয়ে ৷

প্ৰায় দুসপ্তাহ পূৰ্বে বাটাবাৰী ৰেঞ্জৰ অধীনৰ জামগুৰি বনাঞ্চলত বনৰীয়া দঁতাল হাতী এটাক হত্যা কৰি দাঁত লৈ তিনিওজন অভিযুক্ত উধাও হৈছিল বুলি সংবাদ মাধ্যমযোগে উল্লেখ কৰে আৰক্ষীয়ে ৷ দাঁত দুটা বিক্ৰীৰ উদ্দেশ্যে ঘৰত ৰাখি থোৱা অৱস্থাতে অভিযানকাৰী দলটোৱে চলোৱা অভিযানত আন আন সামগ্ৰী সমূহ জব্দ কৰাৰ লগতে তিনিওজন অভিযুক্তক গ্ৰেপ্তাৰ কৰিবলৈ সক্ষম হয় ৷ সম্প্ৰতি অধিক তথ্যৰ বাবে তিনিওজন লোকক শিমলা আৰক্ষীয়ে নিজৰ জিম্মালৈ আনি জেৰা অব্যাহত ৰাখিছে ৷ পূৰ্বেও তিনিওজন লোক বন্যপ্ৰাণী নিধনত জড়িত থকাৰ সংন্দেহ আৰক্ষীৰ ৷

লগতে পঢ়ক: থানাৰ পৰা মুকলি হৈয়েই এজেৱাইচিপি নেতাৰ হুংকাৰ