বাক্সাত বনৰীয়া হাতীৰ আক্ৰমণত প্ৰাণ গ'ল এজন যুৱকৰ

বাক্সাৰ বিমলা নগৰত বনৰীয়া হাতীৰ আক্ৰমণত প্ৰাণ হেৰুৱাই গংগা চৰণ ৰয় নামৰ এজন যুৱকে ৷ পাহাৰত গৰু এৰাল দিবলৈ যাওতে এজাক বনৰীয়া হাতীয়ে আক্ৰমণ চলাই যুৱকজনৰ ওপৰত ৷

বাক্সা,17 অক্টোবৰ : ৰাজ্যত অব্যাহত আছে হাতী-মানুহৰ সংঘাত ৷ বৃহস্পতিবাৰে বাক্সাৰ বিমলা নগৰত বনৰীয়া হাতীৰ আক্ৰমণত প্ৰাণ হেৰুৱাই গংগা চৰণ ৰয় নামৰ এজন যুৱকে ৷ পাহাৰত গৰু এৰাল দিবলৈ যাওতে হঠাতে পাহাৰৰ পৰা নামি অহা এজাক বনৰীয়া হাতীয়ে আক্ৰমণ চলাই যুৱকজনৰ ওপৰত ৷ হাতীৰ গছকত থিতাতে প্ৰাণ হেৰুৱাই গংগা ৰয় নামৰ যুৱকজনে ৷ স্থানীয় ৰাইজে মৃতদেহটো প্ৰত্যক্ষ কৰি খবৰ দিয়ে পৰিয়ালৰ লোকক ৷ সম্প্ৰতি,নাগ্ৰীজুলি আৰক্ষী চকীত ৰখা হৈছে মৃতদেহটো ৷

স্থানীয় ৰাইজৰ অভিযোগ অনুসৰি,বিগত বহুকেইদিনৰ অঞ্চলটোত এজাক বনৰীয়া হাতীৰ জাকে সন্ত্ৰাস চলাই আহিছে ৷ এই সন্দৰ্ভত ৰাইজে বনবিভাগক কেইবাৰো অৱগত কৰিছে যদিও এইপৰ্যন্ত কোনো ধৰণৰ ব্যৱস্থা গ্ৰহণ কৰা নাই বনবিভাগৰ লোকে ৷