বাক্সা,24 অক্টোবৰ: একালৰ অগ্নিগৰ্ভা অঞ্চল বাক্সাত এতিয়া আৰম্ভ হৈছে উন্নয়নৰ জয় যাত্ৰা ৷ ২০০৩ চনৰ আগতে এক উত্তপ্ত পৰিস্থিতয়ে বিৰাজ কৰা জিলা খনত এতিয়া বৃদ্ধি পাইছে ইটো সিটোকৈ ন-ন আঁচনিৰ ৷ বৃহস্পতিবাৰে জিলাখনৰ জালাহত এটা ছয় কোটি টকীয়া আৰু মুছলপুৰৰ নিকটৱৰ্তী ২ নং শুৱনশ্ৰীত তিনি কোটিটকীয়া আৰ্চেনিক মুক্ত পানী যোগান আঁচনিৰ আধাৰশিলা স্থাপন কৰা হয় ৷ আধাৰশিলা স্থাপন কৰি সুস্থ - সমাজ গঢ়াৰ স্বাৰ্থত বিপিএফ দলে কাম কৰি আহিছে আৰু আগলৈ কাম কৰি যাব বুলি ভাষণ ৰাখে ৰাজ্যৰ কাৰিকৰী আৰু জনস্বাস্থ্য মন্ত্ৰী ৰিহণ দৈমাৰীয়ে ৷ তেঁও লগতে কয় যে, বিটিচিবাসী ৰাইজে ইতিমধ্যে বুজি পাইছে আচলতে কাৰ পক্ষত থাকিলে ৰাইজৰ উপকাৰ হব ৷ সেয়েহে আগন্তুক বিটিচি নিৰ্বাচনত ৰাইজে বিপিএফ আৰু ইয়াৰ মিত্ৰ দল বিজেপি আৰু অগপ দলক ভোট প্ৰদান কৰিব ৷ আনহাতে নৱ কুমাৰ শৰণীয়াৰ সম্পৰ্কে সাংবাদিকৰ প্ৰশ্নৰ উত্তৰত তেঁও কয় যে, নৱ কুমাৰ শৰণীয়া বিপিএফ দলৰ কাৰণে কোনো ফেক্টৰ নহয় ৷ তেওঁ মিডিয়াৰ হে মানুহ ৷ বিটিচিত নৱ কুমাৰ শৰণীয়াৰ সংগঠনৰ কোনো অস্তিত্ব নাই ৷
উল্লেখ্য যে, কালি বাক্সাৰ জালাহত এটা ছয় কোটি টকীয়া আৰু মুছলপুৰৰ নিকটৱৰ্তী ২ নং শুৱনশ্ৰীত তিনি কোটিটকীয়া আৰ্চেনিক মুক্ত পানী যোগান আচনীৰ আধাৰশিলা স্থাপন কৰে কাৰিকৰী আৰু জনস্বাস্থ্য মন্ত্ৰী ৰিহণ দৈমাৰীয়ে ৷ আধাৰশিলা স্থাপনৰ অন্তত শুৱনশ্ৰী সভাগৃহত অনুস্থিত হয় এখন ৰাজহুৱা সভা ৷ উক্ত সভাত স্থানীয় বিধায়ক থানেশ্বৰ বসুমতাৰী, তামুলপুৰ সমষ্টিৰ বিধায়ক ইমানুৱেল মুছাহাৰী, বাক্সা জিলাৰ উপায়ুক্ত ভাস্কৰ পেগুকে ধৰি কেইবাগৰাকীও বিশিষ্ট ব্যক্তি উপস্থিত থাকে ৷
