বাক্সা, 8 ডিচেম্বৰ: দুৰ্নীতিগ্ৰস্ত চৰকাৰী-বিষয়া কৰ্মচাৰীৰ বিৰুদ্ধে ৰাজ্য চৰকাৰে গ্ৰহণ কৰিছে কঠোৰ স্থিতি ৷ কিন্তু ইয়াৰ পিছতো যেন গা লৰা নাই একাংশৰ ৷ এইবাৰ উৎকোচ লৈ গ্ৰেপ্তাৰ হ’ল লাট মণ্ডল অনুপ বড়ো(Lat mandal arrested for taking bribe) ৷ বৰমা ৰাজহ চক্ৰ বিষয়াৰ কাৰ্যালয়ৰ লাট মণ্ডল আছিল অনুপ বড়ো(Barama circle office) ৷
উল্লেখ্য যে পিতৃৰ পৰা পুত্ৰৰ নামত মাটিৰ নামজাৰিৰ বাবে লাট মণ্ডল অনুপ বড়োৰ কাষ চাপিছিল খাৰুৱাজান গাঁৱৰ যুৱক উৎপল বৰ্মন । কিন্তু ইয়াৰ বিনিময়ত অনুপ বড়োৱে বিচাৰিছিল ২৫০০ টকাৰ উৎকোচ ৷ পৰৱৰ্তী পৰ্যায়ত কাম কৰি দিয়াৰ বাবদ 1500টকাত মান্তি হৈছিল অনুপ বড়ো(Lat mandal Anup Bodo) ৷ বৃহস্পতিবাৰে লাট মণ্ডল অনুপ বড়োৱে কাৰ্যালয়ত উৎপল বৰ্মনৰ পৰা 1500 টকা লোৱাৰ সময়তে হাতে-লোটে গ্ৰপ্তাৰ কৰে দুৰ্নীতি নিবাৰক শাখাই(Anti corruption team) ৷
উল্লেখ্য যে বৰমা ৰাজহ চক্ৰ বিষয়াৰ কাৰ্যালয়ত দীৰ্ঘদিনৰে পৰা দুৰ্নীতি সংঘটিত হৈ অহাৰ অভিযোগ উত্থাপন হৈছে ৷ ঘোচ নিদিলে ৰাইজৰ কোনো কামেই নকৰে কাৰ্যলয়টোৰ বিষয়াই ৷ একাংশ মহৰিৰ জড়িয়তে লাট মণ্ডলে সংঘটিত কৰি আহিছে দুৰ্নীতি ৷ কাৰ্যালয়টোৰ ভিতৰতে নিৰ্বিঘ্নে ৰাইজৰ পৰা লৈ আহিছে উৎকোচ ৷
কিন্তু আজি দুৰ্নীতি নিবাৰক শাখাৰ জালত পৰে লাট মণ্ডল অনুপ বড়ো ৷ উল্লেখ্য যে কেইমাহমান পূৰ্বে মুখ্যমন্ত্ৰী ড৹ হিমন্ত বিশ্ব শৰ্মাৰ নিৰ্দেশ অনুসৰি ৰাজ্যৰ বিভিন্ন প্ৰান্তৰ পৰা গ্ৰেপ্তাৰ কৰা হৈছিল চৰকাৰী কাৰ্যালয়ত বাহৰ পাতি থকা শতাধিক দালালক ৷
কিন্তু ইয়াৰ পিছতে বহু চৰকাৰী কাৰ্যালয়ত অন্ত পৰা নাই দালালৰাজ ৷ বাক্সাৰ এই ঘটনাই যেন পুনৰবাৰ তাকেই প্ৰমাণ কৰিলে ৷ ইফালে, ঘোচখোৰ দালাল অনুপ বড়োক গ্ৰেপ্তাৰ কৰি দুৰ্নীতি নিবাৰক শাখাই অব্যাহত ৰাখিছে তদন্ত ৷
লগতে পঢ়ক: Assam animal to Ambani Zoo : অসমৰ বন্যপ্ৰাণী নিয়াক লৈ তীব্ৰ প্ৰতিবাদ চিৰিয়াখানা সুৰক্ষা মঞ্চৰ
