বাক্সা, 7 নৱেম্বৰঃ ৰাজ্যৰ খেলুৱৈৰ বাবে অশনি সংকেত কঢ়িয়াই আনিছে একাংশ ভুৱা সংগঠনে ৷ শেহতীয়াকৈ বাক্সা জিলাত সংঘটিত হোৱা এক ঘটনাৰ পাচত পোহৰলৈ আহিছে এই ভয়ংকৰ তথ্য ৷
বাক্সাত ভুৱা ক্ৰীড়া সংগঠনৰ ভয়ানক জাল
জিলাখনৰ তামুলপুৰ মহকুমাৰ দ্বাৰকুছিত 11জনকৈ সমৰকলা প্ৰশিক্ষাৰ্থীৰ পৰা প্ৰৱঞ্চকে লুটিলে ৩,৪৩,১০০ টকা ৷ পদোন্নতিকে ধৰি ৰেফাৰী নিযুক্তি আৰু কেন্দ্ৰীয় গৃহমন্ত্ৰী অমিত শ্বাহক সাক্ষাৎ কৰাৰ টোপ প্ৰদান কৰি খেলুৱৈ কেইগৰাকীক ৰাম ঠগন দিয়ে ডাঃ বিজু সিং আৰু পৰেশ ডেকা নামৰ দুগৰাকী ব্যক্তিয়ে ৷ Budo Association of India নামে এক সংগঠন খুলি খেলুৱৈ কেইগৰাকীৰ পৰা লুটি নিয়ে বৃহৎ পৰিমাণৰ ধন ৷
খেলুৱৈকেইগৰাকীয়ে এক সংবাদমেলযোগে এই কথা প্ৰকাশ কৰে ৷ সংবাদমেলত আৰক্ষী প্ৰশাসনক ডাঃ বিজু সিং আৰু পৰেশ ডেকাৰ বিৰুদ্ধে বিহিত ব্যৱস্থা গ্ৰহণ কৰিবলৈ দাবী উত্থাপন কৰে খেলুৱৈকেইগৰাকীয়ে ৷
