বাক্সা, ১৮ মে': বাক্সা জিলাৰ শালবাৰীৰ ফাতেমাবাদ চাহ বাগিচাৰ চৰ্দাৰ বিজয় কাণডুলনা নামৰ লোকজনে বেঁকী নৈৰ কাষতে থকা বিশপানী নৈত এচাম অসাধু ব্যৱসায়ীয়ে অবৈধভাবে শিল-বালি খান্দি নিয়া দ খাৱৈত মাছ মাৰিবলৈ গৈ আকস্মিকভাবে পিচলি পৰি মৃত্যুক সাৱটি লয় । ঘটনাৰ পিচত বাঁহবাৰী আৰক্ষী উপস্থিত হৈ মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে জিলা সদৰ মুছলপুৰলৈ প্ৰেৰণ কৰে ।
এক অবৈধ খননেই কাল হ’ল এটা চাহ শ্ৰমিক পৰিয়ালৰ
আনহাতে, এই বিষয়ে সদৌ অসম আদিবাসী ছাত্ৰ সন্থাৰ কেন্দ্ৰীয় প্ৰচাৰ সম্পাদক মানচুক চানখাৰিকাই উক্ত নৈ খনত চলি থকা অবৈধ খনন কাৰ্যৰ বিৰুদ্ধে চৰকাৰক ব্যৱস্থা গ্ৰহণ কৰিবলৈ আহ্বান জনাই । ক'ভিড-19ৰ ভয়াৱহতাৰ প্ৰতি লক্ষ্য ৰাখি চৰকাৰে জাৰি কৰা সান্ধ্য আইন অমান্য কৰি চলি থকা মহল তথা ডাম্পাৰ, ট্ৰেক্টৰৰ চলাচল বন্ধ কৰিবলৈও দাবী জনায় ৷
লগতে পঢ়ক : ডিব্ৰুগড় বিশ্ববিদ্যালয়ৰ উদ্যোগত ভিন্ন বিষয়ৰ অনলাইন প্ৰতিযোগিতা
