বাক্সাৰ ভূটানখুটীত আৰক্ষীৰ জালত চাৰি দুৰ্ধৰ্ষ চোৰাং চিকাৰী

বাটাবাৰী বনাঞ্চলৰ পৰা অস্ত্ৰসহ চাৰি দুৰ্ধৰ্ষ চোৰাং চিকাৰী গ্ৰেপ্তাৰ আৰক্ষী আৰু বন বিভাগৰ । বনৰীয়া গাহৰি হত্যা কৰি মাংস বিক্ৰী কৰিবৰ বাবে বস্তাত ভৰাই ৰাখিছিল চিকাৰী কেইটাই ৷

বাক্সা, 19 চেপ্তেম্বৰঃ বাক্সাৰ ভাৰত-ভূটান সীমান্তৰ ভূটানখুটীত আৰক্ষী-বনবিভাগৰ যুটীয়া অভিযান । নিকাছী আৰক্ষী চকীৰ ভাৰপ্ৰাপ্ত আৰক্ষী বিষয়া গোপাল দলেৰ নেতৃত্বত অভিযান চলাই বাটাবাৰী বনাঞ্চলৰ পৰা অস্ত্ৰসহ চাৰি দুৰ্ধৰ্ষ চোৰাং চিকাৰী গ্ৰেপ্তাৰ কৰিবলৈ সক্ষম হয় ৷ ধৃত নুৱাশ ইণ্ডোৱাৰ, চুমান কল্লো, লেবুনোশ ইণ্ডোৱাৰ আৰু মাৰ্চেল ইক্কা সম্প্ৰতি নিকাছী আৰক্ষীৰ জালত ।

ইপিনে চোৰাং চিকাৰী কেইটাৰ পৰা জব্দ কৰে তিনিটা হস্তনিৰ্মিত বন্দুক, এটা হৰিণাৰ শিং, 20 কেজি বনৰীয়া গাহৰিৰ মাংস, কেইবা জাই গুলী আৰু এখন ধনুকাড় । উল্লেখযোগ্য যে, শুকুৰবাৰে নিশা এটা বনৰীয়া গাহৰি হত্যা কৰি মাংস বিক্ৰী কৰাৰ বাবে বস্তাত ভৰাই ৰাখিছিল চিকাৰী কেইটাই । আনহাতে বাটাবাৰী সংৰক্ষিত বনাঞ্চলত দীৰ্ঘদিন ধৰি জীৱ-জন্তু হত্যা কৰি অহাৰ অভিযোগ ধৃত চাৰি দুৰ্ধৰ্ষ চোৰাং চিকাৰী কেইটাই বিৰুদ্ধে ৷

বাক্সাৰ ভূটানখুটীত আৰক্ষীৰ জালত চাৰি দুৰ্ধৰ্ষ চোৰাং চিকাৰী

লগতে পঢ়কঃ ডুমডুমাত বিধায়ক দুৰ্গা ভূমিজ, সঞ্জয় কিষাণ আৰু সুৰেন ফুকনৰ প্ৰতিমূৰ্ত্তি দাহ