বৰমা, 4 নবেম্বৰ : বাক্সাৰ মুছলপুৰত অগ্নিকাণ্ড ৷ অগ্নিকাণ্ডত ভস্মীভূত এখন ব্যৱসায়িক প্ৰতিষ্ঠান ৷ মুছলপুৰৰ সুমিত্ৰা ষ্টোৰ নামৰ ব্যৱসায়িক প্ৰতিষ্ঠানখনত সংঘটিত হৈছে অগ্নিকাণ্ড ৷ এই অগ্নিকাণ্ডত প্ৰায় তিনি লাখ টকাৰ সা-সম্পত্তিৰ ক্ষতি হোৱা বুলি জানিব পৰা গৈছে ৷ চৰ্ট চাৰ্কিটৰ ফলতেই অগ্নিকাণ্ড হোৱাৰ সন্দেহ স্থানীয় ৰাইজ তথা স্বত্বাধিকাৰীৰ ৷
জানিব পৰা মতে বুধবাৰে পুৱা প্ৰাতঃ ভ্ৰমণলৈ যোৱা লোকে ব্যৱসায়িক প্ৰতিষ্ঠানখনৰ ভিতৰত জুই লগা প্ৰত্যক্ষ কৰি মালিকপক্ষৰ লগতে অগ্নিনিৰ্বাপক বাহিনীক খবৰ দিয়ে ৷ অগ্নি নিৰ্বাপক বাহিনী আহি পোৱাৰ পূৰ্ৱে ৰাইজে জুই নুমুৱাবলৈ সক্ষম হয় যদিও ইতিমধ্যে ব্যৱসায়িক প্ৰতিষ্ঠানৰ ভিতৰৰ সামগ্ৰী জুইত জাহ যায় ৷ দোকানখনৰ স্বত্বাধিকাৰীয়ে জানিবলৈ দিয়া মতে প্ৰায় তিনি চাৰি লাখ টকাৰ সামগ্ৰী জুইত জাহ গৈছে ৷
লগতে পঢ়ক : অসম আৰক্ষীৰ শ্বহীদ ৰবেন দাসৰ বাসগৃহত মুখ্যমন্ত্ৰী
