বিজেপিৰ সংকল্প যাত্ৰাঃ টিংখাঙত কেন্দ্ৰীয় মন্ত্ৰী ৰামেশ্বৰ তেলী, বৰমাত ৰেখা ৰাণী দাস বড়োৰ অংশগ্ৰহণ

ৰাজ্যৰ অন্য প্ৰান্তৰ লগতে শনিবাৰে ডিব্ৰুগড়ৰ টিংখাঙত উলিওৱা হয় বিজেপিৰ সংকল্প যাত্ৰা ৷ বিজেপিৰ সংকল্প যাত্ৰাত অংশ গ্ৰহণ কৰে কেন্দ্ৰীয় মন্ত্ৰী ৰামেশ্বেৰ তেলীয়ে ৷ আনহাতে, একেটা দিনতে বাক্সাৰ বৰমাত উলিওৱা বিজেপিৰ সংকল্প যাত্ৰাত অংশগ্ৰহণ কৰে ন বিজেপি নেত্ৰী ৰেখা ৰাণী দাস বড়োই ৷

নিউজ ডেস্ক, 19 অক্টোবৰঃ ৰাজ্যৰ অন্য প্ৰান্তৰ লগতে শনিবাৰে ডিব্ৰুগড়ৰ টিংখাঙত উলিওৱা হয় বিজেপিৰ সংকল্প যাত্ৰা ৷ বিজেপিৰ সংকল্প যাত্ৰাত অংশ গ্ৰহণ কৰে কেন্দ্ৰীয় মন্ত্ৰী ৰামেশ্বেৰ তেলীয়ে ৷ গান্ধীৰ আদৰ্শক ৰাইজৰ মাজলৈ লৈ যোৱাৰ উদ্দেশ্যে টিংখাঙৰ পৰা ৰাজগড় হৈ বামুণবাৰীলৈকে মুঠ ১৫ কি:মি পথ জুৰি এক বিশাল পদযাত্ৰাত অংশগ্ৰহণ কৰে কেন্দ্ৰীয় মন্ত্ৰীগৰাকীয়ে ৷ কেন্দ্ৰীয়মন্ত্ৰীগৰাকীক সংগ দিয়ে ডিব্ৰুগড় জিলা বিজেপিৰ সভাপতি ইন্দ্ৰ গগৈ,টিংখাঙৰ বিধায়ক বিমল বড়োৰ লগতে সহস্ৰাধিক নেতা-কৰ্মীয়ে ৷

একেটা দিনতে বাক্সাৰ বৰমাত উলিওৱা হয় বিজেপিৰ সংকল্প যাত্ৰা ৷ সংকল্প যাত্ৰাত অংশগ্ৰহণ কৰে ৰাজ্যৰ প্ৰাক্তন মন্ত্ৰী তথা ন বিজেপি নেত্ৰী ৰেখা ৰাণী দাস বড়ো ৷ সংকল্প যাত্ৰাত ৰেখা ৰাণী দাস বড়োৰ লগত উপস্থিত থাকে বাক্সা জিলাৰ বিজেপি সভাপতি ৰাম দাহালসহ দলটোৰ আন কেইবাজনো নেতা-কৰ্মী ৷ সংকল্প যাত্ৰাত অংশগ্ৰহণ কৰি ৰেখা ৰাণী বড়োৱে মন্তব্য কৰে যে,গান্ধীজীৰ সপোন পূৰণৰ বাবে প্ৰধানমন্ত্ৰী মোদীয়ে যৎপৰোনাস্তি চেষ্টা চলাইছে ৷ বিজেপি অহিংস,সত্যত চলা দল ৷ আনহাতে কংগ্ৰেছে কেৱল টকাৰ গান্ধীকহে চিনি পায় বুলিও মন্তব্য কৰে বিজেপি নেত্ৰীগৰাকীয়ে ৷