বাক্সা, ৬ছেপ্টেম্বৰ: বাক্সা জিলাৰ বৰমা মহাবিদ্যালয়ে ২০২২ বৰ্ষৰ উৎকৃষ্ট ডিগ্ৰী মহাবিদ্যালয় হিচাপে সন্মান অৰ্জন (Best Degree College Award for Barma College)কৰিছে ৷ যোৱা ৫ চেপ্টেম্বৰৰ শিক্ষক দিৱসৰ লগত সংগতি ৰাখি বিটিআৰৰ মুখ্য কাৰ্য্যবাহী প্ৰমোদ বড়োৱে চিৰাং জিলাৰ সভাকক্ষত এই বঁটা অৰ্পন কৰে বৰমা মহাবিদ্যালয়ৰ ভাৰপ্ৰাপ্ত অধ্যক্ষা ড৹ গীতিমা পাটোৱাৰীক ৷
উক্ত বঁটা গ্ৰহণ কৰি খুবেই আনন্দিত অনুভৱ কৰা বুলি মন্তব্য় কৰে অধ্যক্ষা গৰাকীয়ে ৷ মহাবিদ্যালয়খনৰ অধ্যাপক, কৰ্মচাৰী, ছাত্ৰ-ছাত্ৰীৰ লগতে এই শিক্ষানুষ্ঠানখনৰ সৈতে জড়িত হৈ থকা শুভাকাংক্ষী সকলক বৰমা মহাবিদ্যালয়ৰ সুনাম অনাৰ বাবে কৃতজ্ঞতা প্ৰকাশ কৰে ৷ এই বঁটাত আছে প্ৰমানপত্ৰৰ লগতে সাত লাখ টকাৰ এখন চেক ৷
উল্লেখ্য যে ১৯৭১ চনত প্ৰতিষ্ঠা লাভ কৰা বৰমা মহাবিদ্যালয়খনেই আছিল জিলাখনৰ উচ্চ শিক্ষাৰ একমাত্ৰ মহাবিদ্যালয় ৷ এই মহাবিদ্যালয়খনত বৰমাৰ লগতে বৰমাৰ উত্তৰ অঞ্চলৰ ছাত্ৰ-ছাত্ৰীয়ে উচ্চ শিক্ষা গ্ৰহণ কৰি আহিছে ৷ মহাবিদ্যালয়ৰ প্ৰতিষ্ঠাপক অধ্যক্ষ প্ৰয়াত চতীশ চন্দ্ৰ দাসৰ পৰা যোৱা ৩১ জুলাইত অৱসৰ গ্ৰহণ কৰা ড৹ টিকেন চন্দ্ৰ দাসলৈকে অশেষ কষ্টৰ ফলতে আজি বৰমা মহাবিদ্যালয়খনে এই অৱস্থাত উপনীত হৈছে বুলি কয় অধ্যক্ষা গৰাকীয়ে ৷
লগতে পঢ়ক:অসমৰ মুখ্যমন্ত্ৰী তথা পত্নীৰ বিৰুদ্ধে দুৰ্নীতিৰ অভিযোগত প্ৰতিবাদ কংগ্ৰেছৰ
