বাক্সা,24আগষ্টঃ বাক্সাৰ তামুলপুৰ মহকুমাৰ কুমাৰীকাটা বনাঞ্চলিক কাৰ্যালয়ৰ অন্তৰ্গত কুমাৰীকাটাৰ ঢেকীয়াবষ্টিত অসম চৰকাৰৰ ভূমি সংৰক্ষণ বিভাগৰ উদ্যোগত এট বৃক্ষ ৰোপণ কাৰ্যসূচী ৰূপায়ণ কৰা হয় । শনিবাৰে কালানৈৰ পাৰৰ ঢেকিয়ালবষ্টি গাঁৱৰ প্ৰায় ৬৫ বিঘা চৰকাৰী ভূমিত বৃক্ষ ৰোপন আঁচনিখনৰ শুভাৰম্ভ কৰে অসমৰ সমাজ কল্যাণ আৰু ভূমি সংৰক্ষণ বিভাগৰ মন্ত্ৰী প্ৰমিলা ৰাণী ব্ৰহ্মই । অসমৰ বিভিন্ন প্ৰান্তত গৰাহখনীয়া ৰোধৰ বাবে এনে ধৰণৰ আঁচনি গ্ৰহণ কৰা হৈছে বুলি জনায় মন্ত্ৰী গৰাকীয়ে ।
বাক্সাত ভূমি সংৰক্ষণ বিভাগৰ বৃক্ষ ৰোপণ কাৰ্যসূচী
ইপিনে বৃক্ষ ৰোপণ কাৰ্যসূচীত মন্ত্ৰী গৰাকীক সংগ দিয়ে তামুলপুৰৰ বিধায়ক ইমানুৱেল মুছাহাৰী, ভূমি বিভাগৰ বিটিচিৰ কাৰ্যবাহী সদস্য জগদীশ সৰকাৰ, বিটিচিৰ কাৰ্যবাহী সদস্য দেবেন বড়ো আৰু বিপিএফৰ বিভিন্ন পৰ্যায়ৰ নেতা কৰ্মীৰ লগতে স্থানীয় ৰাইজে ৷
